आप्पासाहेब पाटील
सोलापूर : आज मोहिनी एकादशी. एकादशीनिमित्त विठ्ठलाचं दर्शन घेण्यासाठी पंढरपुरात भाविकांची संख्या वाढली आहे. अशातच आषाढी वारीच्या अनुषंगाने पाहणी करण्यासाठी गेलेल्या जिल्हाधिकारी कार्तिकेयन एस. यांनी चौफाळा परिसरात आपले शासकीय वाहन लावून पायी चालत विठ्ठलाचं मंदिर गाठलं. त्यानंतर मंदिर परिसरात सुरू असलेल्या कामांची पाहणी केली.
यावेळी त्यांच्यासोबत प्रांताधिकारी सचिन इथापे, मंदिर समितीचे कार्यकारी अधिकारी राजेंद्र शेळके, तहसीलदार सचिन लंगुटे आदी उपस्थित होते. दरम्यान, कार्तिकीयेन एस यांनी श्री विठ्ठल रुक्मिणी देवस्थान मंदिर जतन व संवर्धन आराखड्या अंतर्गत सुरू असलेल्या कामांची पाहणी करुन संबधितांना आवश्यक सुचना दिल्या. दर्शनासाठी येणाऱ्या भाविकांच्या सुविधेसाठी मंदिर जतन व संवर्धन आराखड्या अंतर्गत बाजीराव पडसाळी येथील सुरू असलेली कामे १७ मे पर्यंत गुणवत्तापूर्ण व गतीने पूर्ण करण्याचे निर्देश त्यांनी दिले. पायी चालत निघालेल्या जिल्हाधिकाऱ्यांनी विविध भागातून आलेल्या वारकऱ्यांशी संवाद साधला. संवाद साधताना जिल्हाधिकाऱ्यांंनी मंदिर परिसरातील अडचणी, समस्या जाणून घेतल्या.
Web Summary : Collector Kartikeyan S. inspected ongoing work at Vitthal temple in Pandharpur ahead of Ashadhi Wari. He walked to the temple, reviewed preservation efforts, and instructed officials to complete Bajirao Padsali work by May 17, ensuring quality and speed for devotees' convenience. He also interacted with pilgrims.
Web Summary : आषाढ़ी वारी से पहले कलेक्टर कार्तिकेयन एस. ने पंढरपुर में विट्ठल मंदिर में चल रहे कार्यों का निरीक्षण किया। वे पैदल मंदिर गए, संरक्षण प्रयासों की समीक्षा की, और अधिकारियों को 17 मई तक बाजीराव पडसाली के काम को पूरा करने का निर्देश दिया, ताकि भक्तों की सुविधा सुनिश्चित हो सके। उन्होंने तीर्थयात्रियों से बातचीत भी की।