पोलिसांकडून मिळालेल्या माहितीनुसार, ८ मे रोजी सायंकाळी अक्कलकोटहून चप्पळगावकडे दुचाकी एमएच १३ बीएक्स ४४३५ यावरून निघाले होते. समोरून आलेल्या ट्रकने एमएच १३ सीयू ४८६४ ने धडक दिली असता, दुचाकीवरील रोहन हे जागीच ठार झाले. काझीकणबस येथील कल्याणी बसवराज मुनाळे हे गंभीर जखमी झाले.
जखमीला सोलापूर येथे उपचारासाठी दाखल केले. अजिंक्य अशोक कांबळे रा. खासबाग अक्कलकोट यांनी फिर्याद दिली असून, अधिक तपास सहा. पोलीस निरीक्षक देवेंद्र राठोड हे करीत आहेत. या घटनेतील ट्रक चालक दत्तात्रय सिद्राम बंडगर रा.मुरारजी पेठ सोलापूर यास पोलिसांनी अटक केली आहे.
पूणवेळ नोकरीची ऑर्डर
जखमी कल्याणी मुनाळे हा मागील तीन वर्षांपासून अक्कलकोट एमएसईबी येथील कार्यालयात ऑपरेटर म्हणून काम करीत आहेत. नुकतेच पूर्णवेळची ऑर्डर आली आहे. ट्रक बाह्यवळण रस्त्यावरून वागदरीकडे जात होती. अचानकपणे नवीन पुलाजवळ अपघात झाला आहे. यात मोटारसायकलवरील दोघांचे मोठ्या प्रमाणात नुकसान झाले.