सोलापूर : घर बांधण्यासाठी तुझ्या आई-वडिलांकडून तीन लाख रुपये घेऊन ये नाहीतर इथे राहू नको म्हणत पत्नीचा छळ केल्याप्रकरणी पतीसह चौघांवर गुन्हा दाखल झाला आहे. या बाबत
ऐश्वर्या रमेश शिंदे (रा. रेल्वे कॉलनी, गणेश हॉल) यांनी सदर बझार पोलिस ठाण्यात फिर्याद दिली आहे. त्यांच्या फिर्यादीवरून पती रमेश शिंदे, नागप्पा शिंदे, नणंद प्रियंका शिंदे, चुलत काका बुधप्पा कांबळे यांच्याविरुद्ध गुन्हा दाखल झाला आहे.
फिर्यादी ऐश्वर्या यांचे रमेश याच्या सोबत २०२० मध्ये विवाह झाला होता. विवाहानंतर आरोपींनी पीडितेला विनाकारण त्रास देत होते. शिवाय माहेरून ३ लाख रुपये घेऊन ये म्हणत तिला त्रास देत होते. शिवाय इतर आरोपी हे पतीला वाईट शिकवण देत होते. अशा आशयाची फिर्याद ऐश्वर्या शिंदे यांनी दिली आहे. त्यांच्या फिर्यादीवरून आरोपीवर गुन्हा दाखल झाला आहे. या घटनेचा तपास पोलीस हेड कॉन्स्टेबल नदाफ करीत आहेत.