जोडबसवान्ना चौकात महिलेला बेदम मारहाण
सोलापूर : जोडबसवान्ना चौकातील नातेवाइकाच्या घरी कार्यक्रमानिमित्त आलेल्या महिलेस मानपानाच्या कारणावरून केलेल्या मारहाणीत स्नेहा रोहित आरकाल (वय २७, रा. पद्मानगर, अक्कलकोट रोड, सोलापूर) जखमी झाली. ही मारहाण मंगळवारी दुपारी २ वाजण्याच्या सुमारास झाली. स्नेहा आरकाल यांना त्रास होऊ लागल्याने शासकीय रुग्णालयात दाखल करण्यात आले असून, याची नोंद सिव्हिल पोलीस चौकीमध्ये झाली आहे.
कंबर तलावात पडून तरुणाचा मृत्यू
सोलापूर : विजापूर रोडवरील धर्मवीर संभाजी तलावमध्ये (कंबर तलाव) पडून आरिफ मुसा कुरेशी (वय २८, रा. शुक्रवार पेठ) या तरुणाचा मृत्यू झाला. त्याचा मृतदेह बुधवारी दुपारी १२.४० वाजण्याच्या सुमारास पाण्यावर तरंगताना आढळून आला. आरिफ कुरेशी याला उपचारासाठी शासकीय रुग्णालयात दाखल केले असता त्याचा मृत्यू झाल्याचे सांगण्यात आले. याची नोंद सिव्हिल पोलीस चौकीत झाली आहे.
दारूच्या नशेत स्वतःच्या गळ्यावर केला ब्लेडने वार
सोलापूर : दक्षिण सोलापूर तालुक्यातील मंद्रूप येथे दारूच्या नशेत सोनू पांडुरंग देशमुख (वय ४०) या इसमाने स्वतःच्या गळ्यावर ब्लेडने वार करून घेतले. तो जखमी झाला. हा प्रकार मंगळवारी सायंकाळी ७ वाजण्याच्या सुमारास घडला. त्याला उपचारासाठी पत्नी सीमा देशमुख यांनी शासकीय रुग्णालयात दाखल केले असून, याची नोंद सिव्हिल पोलीस चौकीमध्ये झाली आहे.
मोहळमध्ये पतीने केला पत्नीवर गुप्तीने हल्ला
सोलापूर : मोहोळ येथील राहत्या घरी खरी माहिती पोलिसांना सांगितल्याच्या कारणावरून पती सनी देओल काळे याने पत्नीवर गुप्तीने केलेल्या हल्ल्यात, प्रियंका सनी देओल काळे (वय २८) ही महिला जखमी झाली. हा प्रकार बुधवारी दुपारी ३:३० वाजण्याच्या सुमारास घडला. प्रियंका काळे तिला उपचारासाठी सोलापूर येथील शासकीय रुग्णालयात दाखल करण्यात आले आहे. याची नोंद सिव्हिल पोलीस चौकी झाली आहे.
कुंभारी येथे वृद्ध इसमास बेदम मारहाण
सोलापूर : दक्षिण सोलापूर तालुक्यातील कुंभारी येथे राहत्या घराजवळ अज्ञात कारणावरून एकाने केलेल्या मारहाणीत मलकारी पुजारी-बने (६५) हा वृद्ध जखमी झाला. ही मारहाण मंगळवारी रात्री ८ वाजता झाली. मलकारी पुजारी-बने यांना उपचारासाठी सोलापूर येथील शासकीय रुग्णालयात दाखल करण्यात आले असून, याची नोंद सिव्हिल पोलीस चौकीमध्ये झाली आहे.
दुचाकीवरून पडल्याने महिला जखमी
सोलापूर : वडिलांबरोबर दुचाकीने जात असताना घसरून झालेल्या अपघातामध्ये नागिनी अविनाश हजारे (वय २६, रा. गुंजेगाव, ता. दक्षिण सोलापूर) जखमी झाल्या. हा अपघात बुधवारी दुपारी १२ वाजण्याच्या सुमारास झाला. नागिनी हजारे यांना उपचारासाठी सोलापूर येथील शासकीय रुग्णालयात दाखल करण्यात आले असून, याची नोंद सिव्हिल पोलीस चौकीमध्ये झाली आहे.