अस्वल दिसायला फारच क्यूट दिसतं. पण ते असतं फार खतरनाक. याचा अंदाज ज्यांना आहे ते कधीही अस्वलांशी पंगा घेत नाहीत. मात्र, अनेकदा अस्वल काही लोकांच्या मागे लागतं. अशीच एक २३ जानेवारीची घटना समोर आली आहे. रोमानियाच्या Predeal मध्ये एका व्यक्ती मागे अस्वल लागलं. ही व्यक्ती आरामात बर्फावर स्कीइंग करत होती. अशात अचानक त्याच्यामागे अस्वल लागलं.
या घटनेचा व्हिडीओ समोर आला आहे. एक व्यक्ती मस्त बर्फावर स्कीइंग करत आहे आणि त्याच्यामागे अस्वल लागलं आहे. आश्चर्याची बाब म्हणजे त्याला हे माहितही नाही की, त्याच्यामागे अस्वल लागलंय. वरून जात असलेल्या चेअरलिफ्टमधील लोकांनी त्याला सांगितले की, वेगाने पुढे जा, जेणेकरून अस्वलापासून तो वाचू शकेल. रोमानिया इनसायडरनुसार, लोकांनी त्याला हेही सांगितलं की, मागे बघू नकोस.
या व्हिडीओत बघितलं जाऊ शकतं की, कशाप्रकारे अस्वल त्या व्यक्तीच्या मागे लागलं आहे. ते वेगाने त्याच्या दिशेने धावत येत आहे. जर चुकूनही त्याचा पार घसरला असता किंवा तो पडला असता तर अस्वलाने त्याच्यावर हल्ला केला असता. पुढे जाऊन त्याने अस्वलाचं लक्ष भरकटण्यासाठी त्याचं बॅकपॅकही फेकलं. ही आयडिया यशस्वी ठरली आणि तो अस्वलापासून सुरक्षित राहिला.