मालवण : दक्षिण कोकणची काशी म्हणून ओळखल्या जाणाऱ्या आंगणेवाडी येथील श्री भराडी देवीची वार्षिक जत्रा ९ फेब्रुवारी २०२६ रोजी निश्चित झाली आहे. बुधवारी (दि.३) रोजी सकाळी देवीचा हुकूम घेऊन ही तारीख निश्चित करण्यात आली. दरवर्षी लाखोंच्या संख्येने भाविक या जत्रेला उपस्थिती दर्शवतात. यावेळी सुमारे दहा लाखांपेक्षा जास्त भाविक यात्रेस उपस्थिती दर्शवतील असा अंदाज व्यक्त करण्यात येत आहे.
आंगणेवाडीत येणारे लाखो भाविक देवीच्या दर्शनाची आस घेऊन येतात. वस्त्रालंकारांनी सजविलेली देवी ‘याचि देही, याचि डोळा’ पाहून जीवनाचे सार्थक झाल्याचा अनुभव भाविकांना या ठिकाणी येतो. कोणत्याही प्रकारची गैरसोय न होता आई भराडी मातेचे दर्शन होण्यासाठी आंगणे कुटुंबीयांसह आंगणेवाडीचे सर्व सदस्य मेहनत घेत असल्याची माहिती मंडळाचे अध्यक्ष छोटू आंगणे यांनी दिली आहे.अनेक व्यापारी, व्यावसायिक यांना रोजगार उपलब्ध करून देणाऱ्या या यात्रोत्सवामध्ये मोठ्या प्रमाणात मुंबईकर चाकरमानी उपस्थिती दर्शवितात.
Web Summary : Anganewadi's Bharadi Devi annual Jatra is set for February 9, 2026. Lakhs of devotees are expected to attend this South Konkan festival, seeking blessings and experiencing spiritual fulfillment. The Angane family and community ensure a smooth and fulfilling pilgrimage for all visitors, creating opportunities for businesses and traders.
Web Summary : आंगणेवाडी में भराडी देवी की वार्षिक जत्रा 9 फरवरी, 2026 को होगी। लाखों भक्तों के आने की उम्मीद है, जो आशीर्वाद और आध्यात्मिक पूर्ति की तलाश में हैं। आंगणे परिवार और समुदाय सभी आगंतुकों के लिए सुगम और संतोषजनक तीर्थयात्रा सुनिश्चित करते हैं, जिससे व्यवसायों के लिए अवसर पैदा होते हैं।