मालवणी तडका

बुवांच्या बायांनो..

सकलो : काय रे? काय झाला? बुवांच्या बायांका काय सांगतस?तुकलो : काय नाय. संडासाक जाताना सांभाळून जावा. सकलो : कित्या रे बा?तुकलो : कित्या रे? अरे त्या रामपालान बघलस मा काय केल्यान ता? सकलो : बायकांच्या संडासक, बाथरूमांका कॅमेरे लावलल्यान. तुकलो : तेतूर काय मोठा? गुंगीची वशेदा, निरोध सगळा सगळा भुतूर व्हता. सकलो : म्हंजे त्या बाबांचो धंदो काय व्हतो?तुकलो : कुंटणखानो म्हटलो, तर तेच्या समर्थकांका राग येयत. पन सगळा टीवीर दाखयत व्हते. सकलो : तेची न्हानी कसली भारी व्हती नाय रे? तुकलो : मेल्या न्हानी न्हय ता, स्विमींग पुल व्हता. दुधान न्हाय मेलो. त्याच दुधाची खीर करीत. सकलो : त्याच बाबाक सगळ्या बायकांच्या मुत्रान न्हावक घालू व्हया व्हता, असा मी म्हटलय, तर कोनतरी म्हनतलो, काय मेलो किळसवानो म्हनता. तुकलो : खरा हा. सकलो : पन तुका सांगतय, अशा बाबांका मलमुत्रान न्हावक घालूक व्हया आनी तेची धिंड काढूक व्हयी. तुकलो : काय कुत्र्यान मायाजाल उभ्या केल्यान? सकलो : तेका गाळी घालून काय उपयोग़?तुकलो : तर आमच्या हातात आनखी काय हा? सकलो : असल्या बाबांच्या नादाक लागना म्हंजेच पाप हा. तुकलो : असा तुका वाटता. पन तेच्या भक्तांका आनी विशेषत: भक्तीनींका तेचो स्पर्श म्हंजे स्वर्गसुख वाटता म्हनान तेचा फावता. सकलो : ताव खराच म्हना. अडलली गांजलली लोका तेच्या नादाक लागतत आनी बिचारी फसतत. तुकलो : अरे पन मानसान थोडो तरी इचार करूक नुको? आपून खय जातय, काय करतय? सकलो : इचार करूची स्थिती नसता रे. कोन तरी आधार देयत, असा वाटत आसता. आनी मगे अशे लांडग्याच्या रुपात ते हसतत. आनी येकदा हसलो की तो फसलो. तुकलो : अगदी बरोबर. अडलो हरी आनी गाढवाचे पाय धरी आनी अडचनीत गावलो आनी गाढव.... असा म्हनतत ता ह्या. सकलो : खरा हा. बायकांच्या संडास बाथरूमात कॅमोरो लावनारो भोंदू बाबा आपला येदा मोठा साम्राज्य उभ्या करता म्हंजे?तुकलो : दुनिया झुकती है, झुकानेवाला चाहिये. असा म्हनतत ता ख्ररा हा. अशा बाबांवर सगळ्यांनी मिळान इरागत करा. आनी तेका न्हावक घाला. सकलो : असा न्हावन घेनारे बाबा आसत. तेतूर सुध्दा सुख माननारे बाबा कलियुगात आसत. तुकलो : कोनी खेच्यात सुख मानूचा ह्या जेचा तेचा निरनिराळा आसता. पन मानसान भावनेशी खेळा नये, असा माका वाटता. सकलो : तो भावनेशी खेळाक नाय. तो वासनेशी खेळलो. आनी खेळान घेनारे हत म्हनान खेळलो. तुकलो : अगदी बरोबर. खेळान घेनारे हत म्हनान खेळलो. सकलो : अशा बाबांकडे जी बायका जातत, तेंच्या न्हवऱ्यानी, आवशी-बापाशींनी तरी काळजी घेवक व्हयी. तुकलो : खरा हा. नायतर बुवा थिसर बायका असा आदीच कोनीतरी म्हटलला हा. आता खयल्या बाबाच्या संडासात जाताना आजूबाजूक बघा. नायतर.....सकलो : नायतर काय व्हतला ता तुमी बघतास. तुकलो : बुवांकडे जानाऱ्या बायकांनू सांभाळून....सकलो : काय सांगतस काय ? या बाबांचे असले धंदे आसतत ?तुकलो : ह्या काय मेल्या तुका सांगाक व्हया ह्या तर जगजाहीर हा. मेल्या तुका पन ह्या म्हायत आसतला मातर तु ताकाक जावन बुडकूलो लपवतस तेच्यातली घटना करतस.सकलो : नायरे तु सांगल्यामुळे आता खरी वस्तुस्थिती काय आसता ती माझ्या लक्षात ईली. मेल्या असे गोष्टी अधूनमधून सांगत जा. जेणकरून समाजात जागृती व्हयत.. तुकलो : म्हणान म्हणतय बुवांकडे जाताना बायकानू सांभाळून जावा. ह्यो माझो सल्लो आसा.- विजय पालकर