मुख्यमंत्र्यांच्या दौऱ्याने शंभूराजना काय मिळाले !

प्रशासनावर पकड वाढली : भूकंपग्रस्त दाखल्यांचा श्रेयवाद आता संपणार

अरुण पवार --पाटण -शिवसेना पक्षातून आमदारकी मिळाली; परंतु मंत्रिपद मिळाले नाही. मात्र, वर्षभरात पाटण तालुक्यासाठी ९५ कोटींची कामे केल्याचा दावा आणि लगेचच मुख्यमंत्री मित्राला पाटणमध्ये आणून पाटण तालुक्याच्या समस्यांवर गाऱ्हाणे. आमदार झाल्यानंतर एवढं सगळं एका वर्षात करून दाखविणाऱ्या शंभूराज देसार्इंना मुख्यमंत्र्यांच्या दौऱ्यामुळे आणखीनच बळ आले असून, आगामी मंत्रिमंडळाच्या विस्तारासाठीही त्यांचे नाव पुढे आले आहे. त्यातच पाटणमधील भूकंपग्रस्त दाखल्यांचा श्रेयवाद संपुष्टात येण्याची चिन्हे निर्माण झाली आहे.विधानसभेच्या निवडणुकीत अपेक्षेप्रमाणे जास्त मतांनी विजय प्राप्त झाल्यानंतर शंभूराज देसार्इंनी आपली कामाची पद्धत अधिकच गतिमान केल्याचे दिसते. याउलट विरोधक विक्रमसिंह पाटणकरांनी त्यामानाने कसलेही पाऊल उचलल्याचे जाणवत नाही.म्हणूनच आता पाटण तालुक्यात फक्त देसार्इंची चलती असल्याचे दिसत आहे. यातच थेट मुख्यमंत्री देवेंद्र फडणवीस यांना पाटणमध्ये आणून देसार्इंना आणखीनच बळ मिळाले आहे. मंत्रिपदाची चर्चा, भूकंपग्रस्तांचे दाखले याबाबत स्वत: मुख्यमंत्र्यांच्या तोंडून वदवून घेण्याची किमया त्यांनी केली. दुसरीकडे दिवाकर रावतेंनाही शंभूराज देसार्इंसाठी उद्धव ठाकरे यांच्याकडे शब्द टाकावा लागणार, हे भाषणात सांगावे लागले. त्यामुळे मुख्यमंत्र्यांच्या पाटण दौऱ्याचे फलित काय मिळणार? हे आगामी काळात पाहावयास मिळणार आहे. मात्र, सध्या देसार्इंनी पाटणच्या राजकारणात मोठी आघाडी घेतल्याचे दिसून येत आहे. पाटणच्या जनतेला मैत्रीचे दर्शन मुख्यमंत्री देवेंद्र फडणवीस आणि आमदार शंभूराज देसाई यांची मैत्री असल्याची चर्चा होती. याचे दर्शन पाटणच्या जनतेला पाहावयास मिळाले. स्वत: मुख्यमंत्र्यांनी २००४ ते २००९ या कालावधीत त्यांच्या मैत्रीचा विधानसभेतील एक किस्साही सांगितला. पालकमंत्र्यांवर पडली छापशंभूराज देसार्इंनी ‘पालकमंत्री विजय शिवतारे यांना सातारा जिल्ह्यात मीच सहकार्य करतो, हाक मारतील तिथे हजर असतो,’ असे सांगितले. परंतु ‘डीपीडीसीतील पाच कोटींचा निधी वापराबाबत माझे पालकमंत्र्यांनी ऐकले नाही,’ असे सांगून देसार्इंनी मुख्यमंत्र्यांसमोर पालकमंत्र्यांवर छाप पाडली.