कऱ्हाड तालुक्यातील कोळेवाडी येथील वीज वितरणच्या उपकेंद्रात सातारा येथील अधीक्षक अभियंता गौतम गायकवाड यांच्या मार्गदर्शनाखाली व कऱ्हाड येथील कार्यकारी अभियंता अभिमन्यू राख, एस. के. पाटील, जालिंदर कुंभार यांच्या नेतृत्वाखाली उपकेंद्रामध्ये सकाळी ९ ते सायंकाळी ६ वाजेपर्यंत देखभाल व दुरूस्ती मोहीम राबविण्यात आली. या मोहिमेअंतर्गत दिवसभरात विविध सतरा कामांची तपासणी व दुरूस्ती करण्यात आली, तर कंट्रोल रूम क्लिनिंग करण्यात आली. उपकेंद्राच्या बाहेरील झाडे-झुडपे कटरच्या साहाय्याने काढून स्वच्छता करण्यात आली.
सचिन माळी, फिरोज मुलाणी, विकास जगताप, स्वप्नील गोंजारी, समाधान जाधव, राहुल सोनवले, शाखा अभियंता कुलदीप जाधव, राजेंद्र पवार तसेच उंडाळे, काले, कालवडे, तांबवे उपकेंद्रांचे अभियंता व पन्नासपेक्षा अधिक जनमित्र, कर्मचारी सहभागी झाले होते.
फोटो : ११केआरडी०३
कॅप्शन : कोळेवाडी, ता. कऱ्हाड येथे वीज उपकेंद्रात देखभाल व दुरूस्ती मोहीम राबविण्यात आली. या मोहिमेत अधिकाऱ्यांसह कर्मचारीही सहभागी झाले होते.