कोरोना चाचणीवर परिणाम

रस्त्याची दुरवस्था

सातारा : वडूथ-सातारारोड रस्त्याची दुरवस्था झाली असून, दुरुस्तीची मागणी होत आहे. ही दोन्ही ठिकाणे परिसरातील वाडीवस्त्यांसाठी मध्यवर्ती ठिकाणे आहेत. त्यामुळे परिसरातील गावांमधील नागरिकांच्या दळणवळणासाठी हाच मुख्य मार्ग आहे. रस्त्याची दुरवस्था झाल्यामुळे नाहक त्रास सहन करावा लागत आहे. या रस्त्याची लवकरात लवकर दुरुस्ती करण्यात यावी, अशी मागणी होत आहे.

घरोघरी साफसफाई

सातारा : गणेशोत्सव जवळ आल्याने घरोघरी साफसफाईच्या कामांना वेग आला आहे. अवघ्या दोन दिवसांवर गणपती बाप्पांचे आगमन होणार असल्याने त्यांच्या स्वागताची जय्यत तयारी घरोघरी सुरू झाली आहे. घराची स्वच्छता, रंगरंगोटीच्या कामांना वेग आला आहे. सध्या शाळा बंद असल्याने विद्यार्थी घरीच आहेत. या मुलांचीही घरातील कामांमध्ये मदत होत आहे.

निर्णय मागेसाठी निवेदन

सातारा : मागासवर्गीय अधिकारी व कर्मचारी यांचे पदोन्नतीमधील ३३ टक्के आरक्षण नष्ट करण्याचा शासनाने निर्णय घेतला आहे. तो निर्णय रद्द करण्यात यावा, यासाठी मागासवर्गीय विद्युत कर्मचारी संघटनेने रीपाइंचे राष्ट्रीय अध्यक्ष दीपक निकाळजे यांना निवेदन दिले आहे.

अंगणवाडी सेविकांचा सत्कार

सातारा : विलासपूरमध्ये फॉरेस्ट कॉलनी येथील सभागृहात लायन्स क्लबच्यावतीने शिक्षण दिनानिमित्त शिक्षक व अंगणवाडी सेविकांचा सत्कार करण्यात आला. यावेळी रवी बोडके, आनंद गायकवाड, शिवाजीराव फडतरे, महेंद्र कदम, राजेंद्र मोहिते, आशुतोष चव्हाण, शशिकांत पारेख आदी उपस्थित होते.