फलटण : तालुक्यातील १३१ ग्रामपंचायतींसाठी गावनिहाय सरपंच आरक्षण जाहीर करण्यात आले असून, सर्वात मोठ्या कोळकीचे सरपंचपद खुल्या महिलांसाठी, तर साखरवाडीचे सरपंचपद ओबीसी महिला या प्रवर्गासाठी राखीव झाले आहे. १९० गावात अनुसूचित जातीसाठी आरक्षण पडले असले तरी काही गावात कोणीच सदस्य त्या प्रवर्गाचा नसल्याने तांत्रिक अडचण निर्माण झाली आहे.
फलटण येथील प्रियदर्शनी इंदिरा गांधी सांस्कृतिक केंद्र येथे आज तालुक्यातील १३१ ग्रामपंचायतींसाठी आरक्षण जाहीर करण्यात आले. यावेळी पंचायत समिती सदस्या प्रतिभा धुमाळ, सचिन रणवरे, बाळासाहेब ठोंबरे, संजय कापसे, प्रांत अधिकारी डॉ. शिवाजीराव जगताप, तहसीलदार समीर यादव, गटविकास अधिकारी डॉ. अमिता गावडे, पोलीस निरीक्षक भरत किंद्रे, नायब तहसीलदार आर. सी. पाटील, अंकुश इवरे आदींची उपस्थिती होती.
प्रवर्गानुसार जाहीर झालेले गावनिहाय आरक्षण पुढीलप्रमाणे : अनुसूचित जाती या प्रवर्गासाठी एकूण १९ जागा होत्या. यापैकी महिलासांठी १०, तर खुल्यासाठी ९ ग्रामपंचायती आरक्षित होत्या. यापैकी महिलांसाठी तावडी, धुमाळवाडी, धुळदेव, जाधववाडी (फ), मुळीकवाडी, शेरेवाडी (ढवळ), घाडगेवाडी, माळेवाडी, सोनगाव या जाहीर करण्यात आल्या, तर चिठ्ठीद्वारे मिरेवाडी (दालवडी). खुल्या गटासाठी शेरे शिंदेवाडी, तांबवे, मिरेवाडी (कुसूर), कोर्हाळे, फरांदवाडी, साठे, डोंबाळवाडी, सांगवी, घाडगेमळा. अनुसूचित जमातीसाठी केवळ एक ग्रामपंचायत राखीव होती. लोकसंख्येच्या निकषानुसार जोर (कुरवली खु.) हे गाव या प्रवर्गासाठी जाहीर करण्यात आले. सदर ग्रामपंचायत चिठ्ठीद्वारे या प्रवर्गातील महिलेसाठी राखीव झाली. नागरिकांचा मागास प्रवर्गासाठी तालुक्यातील ७२ गावांमधून ३५ गावे चिठ्ठीद्वारे निवडण्यात आली. यामध्ये महिलांसाठी जोर (वाखरी), होळ, पवारवाडी, परहर बु., झिरपवाडी, पिंपळवाडी (साखरवाडी), तिरकवाडी, चांभारवाडी, विंचुर्णी, भाडळी खु., टाकुबाईचीवाडी, हणमंतवाडी, कोरेगाव, जावली, परहर खु., कांबळेश्वर, नांदल, अलगुडेवाडी ही १८ गावे, तर खुल्या गटासाठी टाकळवाडे, सालपे, चव्हाणवाडी, मिरढे, रावडी खु., निंबळक, मानेवाडी, विडणी, विठ्ठलवाडी, खुंटे, जाधववाडी (तामखडा), वाठार (निंबाळकर), आरडगाव, कुरवली (बु), दऱ्याचीवाडी, सासकल, ऊळुंब ही १७ गावे आरक्षित झाली. खुला प्रवर्गासाठी एकूण - ७६ ग्रामपंचायती आरक्षित होत्या. यापैकी महिलांसाठी ३८, तर खुल्या गटातील ३८ जागांचा समावेश होता. यावेळी ३९ पैकी ३८ गावे महिलांसाठी चिठ्ठीद्वारे निवडण्यात आली ती पुढीलप्रमाणे : वडजल, बिबी, सोनवडी खु., कापडगाव, काशिदवाडी, पिंप्रद, हिंगणगाव, खटकेवस्ती, दालवडी, मुरुम, रावडी बु., गिरवी, आसू, मिरगाव, झडकबाईचीवाडी, जिंती, तरडफ, कुसुर, गोळेगाव, सस्तेवाडी, सुरवडी, मुंजवडी, सरडे, मठाचीवाडी, वाखरी, खामगाव, शेरेचीवाडी (हिंगणगाव), वडगाव, सासवड, राजाळे, कोळकी, निंभोरे, आदर्की खु., जाधवनगर, फडतरवाडी, सावंतवाडी, गोळेवाडी, दुधेबावी.
उर्वरित खुल्या गटासाठी माझेरी (पु), नाईकबोमवाडी, चौधरवाडी, शिंदेमाळ, मलवडी, भाडळी बु., ठाकुरकी, बोडकेवाडी, खडकी, वाघोशी, आदर्की बु., तरडगाव, वडले, बरड, सोनवडी बु., शिंदेनगर, पाडेगाव, उपळवे, गोखळी, वेळोशी, पिराचीवाडी, ढवळेवाडी (निं), तडवळे, ताथवडा, काळज, कापशी, सोमंथळी, खराडेवाडी, आंदरुड, आळजापूर, शिंदेवाडी, कुरवली खु., भिलकटी, ढवळ, निरगुडी, गुणवरे, ढवळेवाडी (आसू), राजुरी यापैकी महिला प्रवर्गासाठी ३८ जागांसाठी ३९ चिठ्ठ्या टाकण्यात आल्या होत्या. त्यामध्ये राजुरीची चिठ्ठी न उचलली गेल्याने या ग्रामपंचायतीचा समावेश खुल्या प्रवर्गातील खुल्या गटामध्ये समावेश झाला.
चौकट -
अनुसूचित जातीच्या सरपंचपदासाठी १९ गावांचे सरपंचपद आरक्षित झाले आहे. परंतु सदर गावांपैकी किमान १२ गावांमध्ये या प्रवर्गातील सदस्य नाहीत. त्यामुळे येथे सरपंच पद रिक्त राहण्याची शक्यता आहे. सदर प्रकार नवनिर्वाचित सदस्यांनी प्रांत शिवाजीराव जगताप व तहसीलदार समीर यादव यांच्या निदर्शनास आणून दिला. परंतु त्यांनी या निर्णयाचा चेंडू जिल्हाधिकाऱ्यांच्या कोर्टात टोलविला. त्यामुळे याबाबत जिल्हाधिकारी काय निर्णय घेणार, याकडे ग्रामस्थांचे डोळे लागले आहेत.
चौकट
बहुचर्चित अशा साखरवाडी (पिंपळवाडी) ग्रामपंचायतीचे सरपंचपदाचे आरक्षण ओबीसी महिलेसाठी राखीव झाले आहे. तेथे राजे गट ७, विक्रम भोसले गट ७, प्रल्हादराव पाटील गट २ असे बलाबल असून, येथे सरपंच पदासाठी प्रचंड रस्सीखेच होणार आहे. प्रल्हादराव पाटील गटाच्या दोन्ही सदस्यांचे महत्व वाढले आहे. संपूर्ण तालुक्याचे लक्ष आता साखरवाडी सरपंच पदाकडे लागले आहे.