Satara Marathi News | सातारा मराठी बातम्या | Latest Satara News in Marathi | सातारा ताज्या बातम्या | Satara Crime Marathi News | सातारा ब्रेकिंग न्यूज़| Breaking & Live Satara News | Satara Local News Update| Today's Satara News paper

सातारा : ‘पाण्यामुळे शेतकऱ्यांच्या जीवनात आमूलाग्र बदल होतो. पर्यायाने त्यांच्या आणि देशाच्या अर्थव्यवस्थेचा उत्कर्ष होतो. त्यामुळे माण-खटावमधील शेतकऱ्यांच्या उत्कर्षासाठी जिहे-कटापूर योजना कुठल्याही परिस्थितीत पूर्ण करणार,’ अशी ग्वाही पालकमंत्री विजय शिवतारे यांनी दिली.उरमोडीचे पाणी डाव्या कालव्यामध्ये पालकमंत्री शिवतारे यांच्या हस्ते सोडण्यात आले. या पाण्याच्या जलपूजनानंतर झालेल्या कार्यक्रमात ते बोलत होते. याप्रसंगी आमदार शिवेंद्रसिंहराजे भोसले, जिल्हाधिकारी अश्विन मुदगल, मुख्य कार्यकारी अधिकारी नितीन पाटील, पोलिस अधीक्षक डॉ. अभिनव देशमुख, मुख्य अभियंता खलील अन्सारी, अधीक्षक अभियंता विजय घोगरे, जिल्हा परिषद उपाध्यक्ष रवी साळुंखे, जिल्हा परिषद सदस्य राजू भोसले, शिक्षण सभापती सतीश चव्हाण, पंचायत समितीच्या सभापती कविता चव्हाण, हरणाई सूतगिरणीचे अध्यक्ष रणजित देशमुख आदी उपस्थित होते.शिवतारे म्हणाले, ‘प्रत्यक्ष-अप्रत्यक्ष दोन कोटी जनता उसावर अवलंबून आहे, शेतकऱ्यांच्या जीवनामध्ये पाणी आमूलाग्र बदल घडवून आणते. म्हणून माण, खटावसारख्या दुष्काळी भागातील शेतकऱ्यांसाठी जिहे-कटापूर ही योजना कुठल्याही परिस्थितीत पूर्ण करणार. उरमोडी प्रकल्पग्रस्तांचे प्रश्न निश्चितपणे सोडवले जातील. अंबवडे ग्रामस्थांच्या पुलासाठी तत्काळ प्रस्ताव बनवून द्यावा. त्याचबरोबर धरणाच्या वरच्या भागात सरकलेल्या गावांना निश्चितपणे नागरी सुविधा देण्यात येतील. त्यासाठी महसूलमंत्र्यांशी चर्चा करून सध्या अस्तित्वात असणारा शासन निर्णय रद्द केला जाईल. मागच्या पिढीने आपल्याला जलसाठे दिले. पुढच्या पिढीला जलसाठे हस्तांतरित करताना त्याचे सुनियोजन करावे. त्यासाठी शेतकऱ्यांनी जास्तीत जास्त ठिबक सिंचनाचा वापर करावा.’कार्यक्रमाचे कायर्कारी अभियंता शरद दाभाडकर यांनी स्वागत केले. मुख्य अभियंता खलील अन्सारी यांनी प्रास्ताविक केले. त्यावेळी जिल्हा परिषद सदस्य राजू भोसले यांनीही मनोगत व्यक्त केले. धरणग्रस्तांचे प्रतिनिधी म्हणून जयसिंग निकम यांचा यावेळी सत्कार करण्यात आला. सहायक अभियंता ज्योती दिवेकर यांनी सूत्रसंचालन करून आभार मानले. कार्यक्रमाला तहसीलदार राजेश चव्हाण, गटविकास अधिकारी सचिन घाडगे, कार्यकारी अभियंता राजन रेड्डीयार तसेच अधिकारी, ग्रामस्थ उपस्थित होते. (प्रतिनिधी)

Satara (Marathi News)

वन विभागाचा उपक्रम : हिवरे, मुचंडी, खलाटी परिसरात पाण्याची सोय ...

लोणंद : शिवसेनेची रणनीती निवडणुकीसाठी अवसानघातकी; भाजपशी युतीचा प्रस्ताव धुडकावला ...

मकरंद पाटील : आरोपाला सडेतोड उत्तर ...

शशिकांत शिंदे : विधिमंडळाच्या अर्थसंकल्पीय अधिवेशनामध्ये फटकेबाजी ...

भुर्इंजच्या युवकांची धडपड : भवानी टेकडीवर शेकडो पाखरांच्या पिण्याच्या पाण्याची सोय ...

आज मिरजेत येणार : जलवाहिनीचे काम सुरू; लातूरला चार दिवसांची प्रतीक्षा ...

हडपसरमधील घटना : मोटारीत कोंडून पेटवून घेतले ...

दोन्ही नियोजित वधू जखमी ...

विजय शिवतारे : उरमोडीतील पाण्याच्या जलपूजनप्रसंगी विश्वास व्यक्त; मान्यवरांची उपस्थिती ...