मलकापूर : गेल्या तीन महिन्यात केवळ ७२ तर गेली सात दिवसात ४४ पॉझिटिव्ह झाले आहेत. त्यापैकी दोन दिवसात २४ बाधित सापडले तर एकाचा कोरोनामुळे मृत्यू झाला आहे. शहरात आतापर्यंत एकूण १ हजार २०२ बाधित झाले. त्यापैकी १ हजार १२१ जणांनी कोरोनावर मात केली. तर ३८ जणांचा दुर्दैवी मृत्यू झाला. यावरून कोरोनाचा पुन्हा उद्रेक झाल्यामुळे स्थानिक प्रशासनासह आरोग्य विभागाचे धाबे दणाणले आहेत.
मलकापुरात डिसेंबर ते फेब्रुवारी या तीन महिन्यात बाधितांचा आकडा झपाट्याने कमी झाला होता. त्यापूर्वी पहिल्या टप्प्यात एका महिन्यात शहरात ३१ रुग्ण होते. पालिका, शासन व आरोग्य विभागाने कोरोना लढ्याचे योग्य नियोजन व उपचाराने एक महिन्यातच शहराला कोरोनामुक्त केले होते. मात्र, एक महिन्याच्या विश्रांतीनंतर २६ जून २० ला पुन्हा दुसऱ्यांदा कोरोनाचा शिरकाव झाला होता. शहरात टप्प्या-टप्प्याने रुग्ण वाढतच गेले. ऑगस्ट व सप्टेंबर या दोन महिन्यात तर कोरोनाने कहर केला होता. दिवसाला २५ ते ३० जण बाधित येत होते. ऑक्टोबर महिन्यात कमी होऊन सुरुवातीला दिवसाला १० ते १२ तर शेवटी केवळ ३ ते ४ च रुग्ण सापडले. नोव्हेंबर महिन्यात दिवसाला सरासरी २ ते ३ जण बाधित येत होते. तर डिसेंबर महिन्यात केवळ १८ जणच बाधित सापडले होते. महिन्यात काही वेळेला आठ-आठ दिवस एकही रूग्ण सापडला नव्हता तर एकही मृत्यू झाला नाही.
शहरात हळूहळू संख्या कमी झाली असली तरी बाधित होण्याचे थांबलेले नव्हते. जानेवारी महिन्यात पुन्हा वाढ होत गेली. १५ जण पॉझिटिव्ह आले. फेब्रुवामध्ये १९ तर मार्च महिन्यात २५ दिवसात ३४ रुग्ण वाढले. यापुढे जाऊन गेली सात दिवसात तब्बल ४४ बाधित सापडले आहेत. त्यापैकी केवळ दोन दिवसात २४ बाधित तर एकाचा कोरोनाने मृत्यू झाला आहे. यावरून मलकापुरात कोरोनाचा उद्रेक झाला आहे.
चौकट
१) २२ एप्रिल ते २४ मे - ३१
२) २५ मे ते २५ जून ०
३) २६ जून ते २६ जुलै ४३
४) २७ जुलै ते २६ ऑगस्ट ३३८
५) २७ ऑगस्ट ते २६ सप्टेंबर ४२८
६) २७ सप्टेंबर ते २७ ऑक्टोबला १५९
७) २८ ऑक्टोबर ते २७ नोव्हेंबर ६९
८) २८ नोव्हेंबर ते ३० डिसेंबर १८
९) ३१ डिसेंबर ते ३० जानेवारी १५
१०) ३१ जानेवारी ते २८ फेब्रुवारी १९
११) १ मार्च ते २५ मार्च ३३
१२) २६ मार्च ते २ एप्रिल सात दिवसात ४४
चौकट
एकूण - १२०२ मृत्यू - ३८, डिस्चार्ज - ११२१, उपचारार्थ - ४३ रुग्णालयात - ९
होम आयसोलेट - ३४
१) मुक्तीचा दर ९३.२ टक्के २) मृत्युदर ३.१ टक्के ३) ॲक्टिव्ह रुग्ण ३.७ टक्के