कऱ्हाडला वीज वितरणची देखभाल-दुरुस्ती

कऱ्हाड उपविभागाचे कार्यकारी अभियंता अभिमन्यू राख यांच्या नेतृत्वाखाली आणि अतिरिक्त कार्यकारी अभियंता अजित नवाळे यांच्या नियोजनातून एक दिवस, एक उपकेंद्र हा उपक्रम राबविला जात आहे. उपविभागांतर्गत ओगलेवाडी या उपकेंद्रांमध्ये सकाळी नऊ ते संध्याकाळी सहापर्यंत उपकेंद्र देखभाल व दुरुस्ती मोहीम राबविण्यात आली. या मोहिमेमध्ये विशेषत: सबस्टेशनमधील उपकरणांची दुरुस्ती व खांबाला कर्मचाऱ्यांकडून रंगकाम करण्यात आले. परिसराची स्वच्छता करण्यात आली. फायर फायटिंग उपकरण कार्यान्वित करण्यात आले. या मोहिमेमध्ये कऱ्हाड विभाग व उपविभागातील अतिरिक्त कार्यकारी अभियंता एस. के. पाटील, ओगलेवाडीचे सहाय्यक अभियंता तुषार खराडे, सहाय्यक अभियंता बाबासाहेब पवार, संदीप पांढरपट्टे, शिवजीत पाटील, अजय बोधे, अनिल मोहिते, विकास जगताप, आशिष यादव, निखिलेश बादरायणी, वैभवी पारवे, प्रतिभा यादव तसेच कर्मचाऱ्यांनी उत्स्फूर्त सहभाग घेतला.