कराडमध्ये ‘बो माऊथ गिटारफिश’ची बेकायदेशीर शिकार उघडकीस, दोघांविरोधात गुन्हा दाखल

दुर्मीळ माशाचा व्हिडिओ प्रसारित व प्रदर्शन 

कराड (जि. सातारा) : आंतरराष्ट्रीय स्तरावर आययूसीएन (इंटरनॅशनल युनियन फॉर नेचर) संस्थेने गंभीरपणे धोक्यात असल्याचे जाहीर करून रेड डाटा लिस्टमध्ये समाविष्ट केलेल्या बो माऊथ गिटारफिश या दुर्मीळ माशाची कराड येथे बेकायदेशीर शिकार केल्याचा प्रकार उघडकीस आला आहे.

अमीर दस्तगीर नदाफ (रा. मलकापूर, कराड) आणि ओमकार राजेंद्र मेळवणे (रा. गुरुवार पेठ, सातारा) यांनी या माशाचा व्हिडिओ प्रसारित करून तसेच माशाचे सार्वजनिक प्रदर्शन केल्याची माहिती वनविभागाला मिळाली होती. या गुप्त माहितीच्या आधारे वनविभागाने कारवाई करीत दोन्ही आरोपींविरुद्ध वन्यजीव (संरक्षण) कायदा १९७२ अंतर्गत गुन्हा दाखल केला आहे. पुढील तपास सुरू आहे.