Satara Politics: पहिल्यांदा आमदार झालेले अर्ध्या हळकुंडाने पिवळे : अजित पवार

Local Body Election: महाराष्ट्र हे खपून घेणार नाही

रहिमतपूर : सत्ता मिळाल्यानंतर सत्तेचा गैरवापर होता कामा नये. सत्ता येते अन् जाते. काहीजण पहिल्यांदाच लोकप्रतिनिधी झाले तरी काहीही बोलतात. अरे तू तर आत्ता लोकप्रतिनिधी झाला आहे. मतदारयादीत बोगस मतांचा घोळ असल्याच्या तक्रारी आल्या आहेत. यापूर्वीही काही निवडणुकात हा घोळ होताच. मी याबाबत हा घोळ मिटवा, अशी निवडणूक आयोगाला विनंती केली आहे,’ अशी माहिती उपमुख्यमंत्री अजित पवार यांनी दिली.

वाचा- सर्वसामान्य घरातला आमदार-मंत्री झालेला बघवणार नाही; मंत्री जयकुमार गोरे यांचा अजित पवारांवर अप्रत्यक्ष पलटवार

कोरेगाव तालुक्यातील रहिमतपूर येथे आयोजित सभेमध्ये ते बोलत होते. पवार म्हणाले, ‘एखाद्या प्रभागातील काही लोकं मतदान करणार नाहीत म्हणून काहींना हाताशी धरून त्यातली १०० लोक दुसऱ्या प्रभागात दिली टाकून, असे काही प्रकार समोर आले आहेत. मतदानात कोण बनवाबनवी करत असेल तर दुरुस्त केलं पाहिजे. दुबार, तिबार चौबार अशा पद्धतीने मतदान चालणार नसून महाराष्ट्र हे खपून घेणार नाही.’