खंडाळा : खंडाळा तालुक्यातील ५७ ग्रामपंचायतींच्या निवडणुकीची धामधूम सुरू आहे. यामध्ये ५३४ जणांनी माघार घेतल्याने ८८८ जण शिल्लक राहिले आहेत. १३१ जागांसह तालुक्यातील सात गावे बिनविरोध झाली आहेत. ५० ग्रामपंचायतींसाठी ३२० जागांसाठी लढत होत असून, ७५७ उमेदवार मैदानात उतरले आहेत,’ अशी माहिती निवडणूक निर्णय अधिकारी तथा तहसीलदार दशरथ काळे यांनी दिली.
खंडाळा तालुक्यातील ५७ ग्रामपंचायतींच्या निवडणुकीसाठी अर्ज माघारीची प्रक्रिया पूर्ण झाली. ४६१ जागांसाठी १४२२ अर्ज वैध झाले होते. अर्ज माघारीच्या शेवटच्या दिवशी सोमवारी ५३४ अर्ज माघार घेण्यात आले आहेत. यामध्ये लढतीच्या जागा व उमेदवार यांची आकडेवारी पुढीलप्रमाणे आहे. अजनुज १ (२), अंबारवाडी २ (४), बावडा ११ (२२), पारगाव १० (२२), केसुर्डी ७ (१७), घाटदरे ६ (१२), धावडवाडी ८(२०), कण्हेरी ७ (१६), म्हावशी ४ (१०), अहिरे ९ (१९), मोर्वे ९ (२७), झगलवाडी १ (२), लोहोम ६ (१२) , कर्नवडी ३ (७), नायगाव ९ (१९), सांगवी ४ (८), वडगाव ६ (१२), जवळे ९ (१९), कवठे ६ (१२), शिंदेवाडी ९ (२४), राजेवाडी ६ (१४), भाटघर ४ (९), विंग ९ (२६), गुठाळे २ (४), मिरजे ५ (११), अतिट ५ (१०), कोपर्डे ९ (१८), निंबोडी ९ (१८), बोरी ९ (१८), पाडळी ९ (१८), सुखेड ९ (१९), पिंपरे बुद्रुक ९ (१७), बावकलवाडी २ (४), मरिआईचीवाडी ७ (१४), पाडेगाव ४ (८), बाळूपाटलाचीवाडी ७ (१४), खेड बुद्रुक ११ (२४), पिसाळवाडी २ (४), धनगरवाडी २ (४), अंदोरी १० (२०), वाघोशी ७ (१४), भादवडे १ (२), शिवाजीनगर ९ (१८), शेखमिरेवाडी ४ (८), लोणी ७ (१४), तोंडल ४ (८), भोळी ९ (१९) , भादे ११ (३०), वाठार बुद्रुक ८ (१८), शेडगेवाडी ४ (८).
घाडगेवाडी येथील २, धनगरवाडीतील २, कण्हेरीतील १, पिसाळवाडीतील २, राजेवाडी, सांगवी, भाटघर येथील एक जागा रिक्त आहे.
॥ बिनविरोधचा सत्ता
तालुक्यातील सात गावे बिनविरोध झाली असून, यामध्ये पळशी, कराडवाडी, वाण्याचीवाडी, लिंबाचीवाडी, हरळी, कान्हवडी, घाडगेवाडी या ग्रामपंचायतींचा समावेश आहे. घाडगेवाडी गावातील उमेदवारांनी अर्ज माघारीच्या शेवटच्या दोन मिनिटांत बैठक घेतली. केवळ एक मिनिटात बिनविरोधचा निर्णय घेतला. त्यामुळे गावातीला संघर्ष टळला . ...............................................
फोटो - अर्ज माघारीसाठी गर्दी