सातारा : कोरोनामुळे नागरिक हतबल झाले असतानाच आता सदर बझार परिसरात डेंग्यू सदृश रुग्ण आढळून येऊ लागल्याने आरोग्याचा प्रश्न गंभीर बनला आहे. झोपडपट्टीतील अनेक नागरिक सध्या ताप व सांधेदुखीने त्रस्त आहेत. अनेकांनी खासगी रुग्णालयात उपचारही घेतले. परिस्थिती गंभीर होण्यापूर्वी हिवताप विभागाने या परिसरात सर्व्हे करणे गरजेचे बनले आहे.
साताऱ्यातील सदर बझार झोपडपट्टी हा सर्वाधिक दाट लोकवस्तीचा परिसर. या ठिकाणी एक हजाराहून अधिक झोपड्या असून, सुमारे साडेचार हजार नागरिक येथे वास्तव्य करीत आहेत. उघडी गटारे, ठिकठिकाणी साचलेले कचऱ्याचे ढीग, उघड्यावरून वाहणारे सांडपाणी अशा अनेक समस्यांमुळे येथील आरोग्य सेवेचा प्रश्न नेहमीच गंभीर बनलेला असतो. फेब्रुुवारी महिन्यात या ठिकाणी डेंग्यू व मलेरियाचे रुग्ण आढळून आले होते. हिवताप विभागाच्या पथकाकडून येथे सर्व्हे करण्यात आला. सर्व्हेत ७० पैकी १९ घरात तर १४७ पैकी ३४ कंटेनरमध्ये डेंग्यू व चिकनगुनियाच्या अळ्या आढळून आल्या होत्या.
आता पुन्हा एकदा सदरबझार परिसरात डेंग्यू व चिकनगुनिया सदृश आजाराने डोके वर काढले आहे. येथील अनेक नागरिक सध्या ताप, तीव्र सांधेदुखी, थकवा अशा आजाराने त्रस्त आहेत. काहीजणांनी शासकीय तर काहींनी खासगी रुग्णालयात उपचार घेतले आहे. एकीकडे कोरोनाचे संक्रमण वाढत असताना सदरबझार येथे डेंग्यू व चिकनगुनिया सदृश रुग्ण आढळून येऊ लागल्याने चिंतेत वाढ झाली आहे.
(पॉइंटर्स)
१. लक्ष्मीटेकडी परिसरात हिवताप विभागाकडून दि. ३ फेब्रुवारी रोजी सर्व्हे करण्यात आला होता.
२ यावेळी १९ घरांत व ३४ कंटेनरमध्ये डेंग्यूच्या अळ्या आढळून आल्या होत्या.
३. ‘हाऊस इंडेक्स’ने डास अळ्यांचे प्रमाण २७.१ इतके दर्शविले होते.
४. डास अळ्यांचे प्रमाण ‘हाऊस इंडेक्स’नुसार मोजले जाते. यासाठी हिवताप विभागाकडून घरांचा व पाण्याने भरलेल्या कंटेनरचा सर्व्हे केला जातो.
५. तपासलेली एकूण घरे व एकूण कंटेनरचा भागकार करून इंडेक्स काढला जातो.
६. निर्देशांक १० व त्यापेक्षा कमी असल्यास धोका कमी संभवतो. मात्र तो १० हून अधिक असल्यास धोक्याचे प्रमाण वाढते.
(कोट)
गेल्या काही दिवसांपासून सदरबझार परिसरातील नागरिकांना ताप, थंडी, सांधेदुखीचा त्रास जाणवू लागला आहे. ही सर्व डेंग्यू व चिकनगुनियाची लक्षणे असल्याने नागरिकांमध्ये भीतीचे वातावरण आहे. आरोग्य विभागाने तातडीने उपाययोजना हाती घ्यावी.
- लक्ष्मण थोरात, सदर बझार
फोटो : २१ जावेद खान
साताºयातील सदर बझार येथील अनेक नागरिक ताप व सांधेदुखीने त्रस्त असून, काहीजण घरीच उपचार घेत आहेत. (छाया : जावेद खान)