Sangli: मिरजेत सहाय्यक पोलिस उपनिरीक्षकाचा संशयास्पद मृत्यू, कारमध्ये आढळला मृतदेह

By ऑनलाइन लोकमत | Updated: March 14, 2026 13:59 IST2026-03-14T13:59:15+5:302026-03-14T13:59:28+5:30

मोबाईल लोकेशनच्या आधारे पोलिसांनी शोध घेतल्यानंतर पंढरपूर रस्त्यावरील तानंग फाटा परिसरात डांगे हे त्यांच्या कारमध्ये बेशुद्ध अवस्थेत आढळले

Suspicious death of Assistant Police Sub Inspector in Miraj, body found in car | Sangli: मिरजेत सहाय्यक पोलिस उपनिरीक्षकाचा संशयास्पद मृत्यू, कारमध्ये आढळला मृतदेह — Sangli: मिरजेत सहाय्यक पोलिस उपनिरीक्षकाचा संशयास्पद मृत्यू, कारमध्ये आढळला मृतदेह

मिरज : मिरजेत पोलिस उपअधीक्षक कार्यालयातील सहाय्यक पोलिस उपनिरीक्षक बाळू मुसा डांगे (वय ५५, मूळ रा. आरळा, ता. शिराळा, सध्या रा. सांगली) यांचा मिरजेत तानंग फाट्याजवळ संशयास्पद मृत्यू झाल्याची घटना शुक्रवारी उघडकीस आली. त्यांचा मृतदेह कारमध्ये आढळून आला असून नेमका मृत्यू कोणत्या कारणाने झाला याबाबत रात्री उशिरापर्यंत स्पष्ट झाले नाही.

सहाय्यक पोलिस उपनिरीक्षक कार्यरत बाळू डांगे पोलिस उपअधीक्षक कार्यालयात प्रतिनियुक्तीवर काम पाहत होते. शुक्रवारी दुपारपासून ते पोलिस सहकाऱ्यांचे व कुटुंबीयांचे फोन उचलत नसल्याने त्यांच्या शोधासाठी पोलिसांनी हालचाली सुरू केल्या. मोबाईल लोकेशनच्या आधारे पोलिसांनी शोध घेतल्यानंतर पंढरपूर रस्त्यावरील तानंग फाटा परिसरात डांगे हे त्यांच्या कारमध्ये बेशुद्ध अवस्थेत आढळले. त्यांना तातडीने उपचारासाठी मिरज शासकीय रुग्णालयात दाखल करण्यात आले. मात्र, उपचारापूर्वीच त्यांचा मृत्यू झाल्याचे तेथील वैद्यकीय अधिकाऱ्यांनी घोषित केले.

घटनेची माहिती मिळताच जिल्हा पोलिस अधीक्षक संदीप घुगे, पोलिस उपअधीक्षक प्रणील गिल्डा, मिरज शहर पोलिस निरीक्षक किरण चौगुले, गांधी चौक पोलिस ठाण्याचे सहाय्यक पोलिस निरीक्षक संदीप शिंदे यांच्यासह पोलिस अधिकारी व कर्मचारी मिरज शासकीय रुग्णालयात दाखल झाले. डांगे यांच्या अकस्मात मृत्यूमुळे पोलिस दलात खळबळ उडाली असून त्यांच्या मृत्यूचे नेमके कारण शवविच्छेदन अहवालानंतर स्पष्ट होणार असल्याचे पोलिसांकडून सांगण्यात आले.

Web Title : सांगली: मिरज में सहायक पुलिस निरीक्षक कार में मृत पाए गए

Web Summary : मिरज के पास सहायक पुलिस निरीक्षक बालू डांगे अपनी कार में मृत पाए गए। उनसे संपर्क न होने पर सहयोगियों ने खोजबीन की। वे बेहोश पाए गए और अस्पताल में मृत घोषित कर दिए गए। मौत का कारण अभी अज्ञात है, शव परीक्षण के नतीजों का इंतजार है।

Web Title : Sangli: Assistant Police Inspector Found Dead in Car in Miraj

Web Summary : Assistant Police Inspector Balu Dange found dead in his car near Miraj. Colleagues searched after he became unreachable. He was found unconscious and declared dead at a hospital. The cause of death is currently unknown, pending autopsy results.

टॅग्स :