Sangli-Palus Nagar Parishad Election Result 2025: पलूसमध्ये काँग्रेसच्या विजयाचा डंका, विश्वजीत कदम यांचा विरोधकांना धोबीपछाड

विरोधी भाजपला केवळ एका जागेवर समाधान

सांगली : पलूसमध्ये चुरशीच्या निवडणुकीत काँग्रेसने नगररिषदेतील सत्ता कायम राखण्यात यश मिळविले. भाजपला याठिकाणी केवळ एका जागेवर विजय मिळविता आले. राष्ट्रवादी अजित पवार गटाला चार जागांवर विजय मिळविला. 

पलूस नगरपरिषदेत काँग्रेसचे आमदार विश्वजीत कदम यांचे वर्चस्व राहिले आहे. त्यांच्या वर्चस्वाला आव्हान देत यंदा भाजप, राष्ट्रवादी अजित पवार गटाने जोरदार प्रयत्न केले होते. रणनीती तयार करुन काँग्रेसची सत्ता काबीज करण्याचा संकल्प केला होता. मात्र त्यांना त्यात यश मिळाले नाही. 

विश्वजित कदम यांच्या नेतृत्वाखालील काँग्रेसने नगराध्यक्षपदासह १६ जागा जिंकत सत्ता अबाधित ठेवली. त्यांच्या नगराध्यक्षपदाच्या उमेदवार संजिवनी पुदाले विजयी झाल्या. या निवडणुकीत राष्ट्रवादी अजित पवार गटाला ४ तर भाजपला केवळ एका जागेवर विजय मिळविता आला.