Sangli Flood : अजित पवारांची मोठी घोषणा, राष्ट्रवादीच्या आमदार-खासदारांचं एक महिन्याचं वेतन पूरग्रस्तांसाठी

By ऑनलाइन लोकमत | Published: July 26, 2021 04:44 PM2021-07-26T16:44:43+5:302021-07-26T16:46:20+5:30

Sangli Flood : अजित पवार यांच्यासमवेत पाहणीदरम्यान जलसंपदा मंत्री तथा सांगली जिल्ह्याचे पालकमंत्री जयंत पाटील, मदत पुनर्वसन मंत्री विजय वडेट्टीवार, कृषी राज्यमंत्री विश्वजीत कदम उपस्थित होते.

Sangli Flood : Ajit Pawar's big announcement, one month salary of NCP MLAs and MPs for flood victims | Sangli Flood : अजित पवारांची मोठी घोषणा, राष्ट्रवादीच्या आमदार-खासदारांचं एक महिन्याचं वेतन पूरग्रस्तांसाठी

Sangli Flood : अजित पवारांची मोठी घोषणा, राष्ट्रवादीच्या आमदार-खासदारांचं एक महिन्याचं वेतन पूरग्रस्तांसाठी

Next

सांगली - राज्याचे उपमुख्यमंत्री अजित पवार यांनी आज सांगली जिल्ह्यातल्या पूरग्रस्त भागाची पाहणी केली. यावेळी त्यांनी पूरग्रस्तांची संवाद साधून त्यांच्या समस्या जाणून घेतल्या. सांगलीतील पलूस तालुक्यातील भिलवडी येथील पूर परिस्थितीची पाहणी करताना महिलांनी अजित पवारांकडे पुनर्वसन करण्याची मागणी केली. त्यावर अजित पवारांनी त्या महिलांना पुनर्वसन करण्याचे आश्वासन दिले. तसेच, राष्ट्रवादी काँग्रेसचे सर्व आमदार आणि खासदार 1 महिन्याचं वेतन पूरग्रस्त भागासाठी देणार असल्याचेही त्यांनी जाहीर केले. 

अजित पवार यांच्यासमवेत पाहणीदरम्यान जलसंपदा मंत्री तथा सांगली जिल्ह्याचे पालकमंत्री जयंत पाटील, मदत पुनर्वसन मंत्री विजय वडेट्टीवार, कृषी राज्यमंत्री विश्वजीत कदम उपस्थित होते. पूरग्रस्त गावात अद्यापही पिण्याच्या पाण्याची समस्या असल्याच्या प्रश्नावर अजित पवार यांनी उत्तर दिलं. मुख्यमंत्र्यांनी सूचना दिल्या असून मुख्य सचिव परिस्थितीवर लक्ष ठेवून आहेत. काही भागात बंद बॉटलने पाणी तर काही भागांत टँकरचा पुरवठा करण्यात येईल, असे उपमुख्यमंत्र्यांनी सांगितले. राज्यातील 9 जिल्ह्यात हे भीषण संकट ओढवलं आहे. राज्य सरकार आणि केंद्र सरकार मदतीसाठी प्रयत्नशील आहे, बेघर झालेल्यांच्या पुनर्वसनाचाही आराखडा करण्यात येत आहे. नैसर्गिक संकटात महाराष्ट्रातील जनता मनापासून पुढाकार घेत, शक्य ती मदत करत असते. त्यामुळेच, माझंही जनतेला आवाहन आहे की, आपणही ज्यांना शक्य आहे, ज्यांची ऐपत आहे त्यांनी फूल नाही फुलाची पाखळी म्हणून पूरग्रस्त भागात मदत पाठवावी. 

राष्ट्रवादी काँग्रेस पक्षाच्यावतीने पक्षाचे सर्व आमदार व खासदार आपले एक महिन्याचे वेतन पूरग्रस्त भागासाठी देणार आहे, असेही उपमुख्यमंत्री आणि राष्ट्रवादीचे ज्येष्ठ नेते अजित पवार यांनी जाहीर केले. 

जागेची उपलब्धता तपासण्याचे आदेश

अजित पवारांनी भिलवडी गावातील पुरग्रस्तांच्या व्यथा ऐकल्यानंतर त्यांच्या पुनर्वसन आणि मदतीसाठी चांगला मार्ग काढण्याचे आश्वासन दिले. तसेच, संकटाच्या काळात राज्य सरकार प्रत्येक नागरिकाच्या पाठीशी ठामपणे उभे असल्याची ग्वाहीदेखील दिली. यावेळी त्यांनी भिलवडी परिसरातील ज्या घरांना आणि रहिवाशांना वारंवार पुराचा फटका बसतो अशा घरांचा सर्व्हे करा आणि वारंवार पुराचा फटका बसणाऱ्या घरांचे उंचावरील जागेवर पुनर्वसन करण्यासाठी जागेची उपलब्धता तातडीने तपासा, अशा सूचना प्रशासकीय अधिकाऱ्यांना दिल्या. विशेष म्हणजे, भिलवडी येथील बाजारपेठ पुर्णपणे पाण्याखाली आहे, पाणी भरलेल्या बाजारपेठेची उपमुख्यमंत्री अजित पवार यांनी बोटीतून जाऊन पाहणी केली. 
 

Read in English

Web Title: Sangli Flood : Ajit Pawar's big announcement, one month salary of NCP MLAs and MPs for flood victims

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.