लोकमत न्यूज नेटवर्क
सांगली : प्राथमिक शिक्षक समितीच्या डॉ. बाबासाहेब आंबेडकर, शाहू, फुले सहकारी रुग्णालयाच्या माध्यमातून सांगलीत न्यू लाईफ कोविड सेंटर सुरू करण्यात आले. या कोविड सेंटरचे उद्घाटन गुरुवारी करण्यात आले. जिल्ह्यात कोरोनाबाधितांची संख्या वाढल्याने हे सेंटर सुरू केल्याचे शिक्षक समितीने सांगितले. जिल्ह्यात कोरोना बाधित रुग्णांना बेडसाठी धावपळ करावी लागत आहे. सामाजिक बांधीलकीतून महाराष्ट्र राज्य प्राथमिक शिक्षक समिती पुरस्कृत न्यू लाईफ सेंटर, राममंदिर चौकातील घोडके हाॅस्पिटलमध्ये सुरू करण्यात आले. त्याचे उद्घाटन राष्ट्रवादीचे शहराध्यक्ष संजय बजाज, काँग्रेसचे युवा नेते जितेश कदम, प्राथमिक शिक्षणाधिकारी विष्णू कांबळे, उपशिक्षणाधिकारी महेश धोत्रे, अनिरुद्ध उपासना केंद्राचे प्रमुख रवींद्र बेंडखळे, माजी उपमहापौर प्रशांत पाटील यांच्या प्रमुख उपस्थितीत झाले.
यावेळी शिक्षणाधिकारी विष्णू कांबळे म्हणाले, शिक्षक समिती या संघटनेच्या माध्यमातून चालविले जाणारे हे देशातील एकमेव सेंटर आहे. हा समाजोपयोगी उपक्रम स्तुत्य आहे. रुग्णांना चांगली सेवा द्यावी.
यावेळी शिक्षक समितीचे नेते विश्वनाथ मिरजकर, किरण गायकवाड, संस्थेचे अध्यक्ष राजेंद्र कांबळे, उपाध्यक्ष अजित पाटील, राज्य संघटक सयाजी पाटील, जिल्हाध्यक्ष बाबासाहेब लाड, पार्लमेंटरी बोर्डाचे सचिव शशिकांत भागवत, खासगी महासंघाचे जिल्हाध्यक्ष अरविंद गावडे, शिक्षक समितीचे जिल्हा उपाध्यक्ष सहदेव बागी, शिक्षक बँकेचे संचालक तुकाराम गायकवाड, शशिकांत बजबळे, श्रेणिक चौगुले, संजय रोकडे, डी. डी. पाटील, संजय हजारे, डॉ. विक्रम कोळेकर, डॉ. पृथ्वीराज पाटील उपस्थित होते.