रत्नागिरी : ‘आम्ही विश्व लेखिका’ या संस्थेच्या रत्नागिरी शाखेच्या अध्यक्षपदी लेखिका सुनेत्रा जोशी यांची निवड करण्यात आली. कार्याध्यक्षपदी ऋतुजा कुळकर्णी आणि उपाध्यक्षपदी मुग्धा कुळ्ये यांची निवड करण्यात आली आहे.
‘आम्ही विश्व लेखिका’ या रत्नागिरी, सिंधुदुर्ग आणि रायगड या कोकण विभाग शाखेची पहिली सर्वसाधारण सभा ऑनलाईन पद्धतीने घेण्यात आली. त्यावेळी सर्वानुमते निवड करण्यात आली. सभेच्या अध्यक्षस्थानी संस्थाध्यक्ष पद्मा हुशिंग उपस्थित होत्या. त्यांनी जिल्हा कार्यकारिणी जाहीर केली.
पद्मा हुशिंग यांनी संस्थेची वाटचाल, कार्यपद्धती व भविष्यातील नियोजन याबद्दल माहिती दिली. ‘आम्ही विश्व लेखिका’ कार्यकारिणी जाहीर केली आहे. सचिवपदी कश्मिरा पालेकर, खजिनदार उमा देवळे, सदस्या अनुप्रीता कोकजे, अमृता नरसाळे, अनुराधा दीक्षित (वाडा, देवगड), अंजली मुतालिक (कुडाळ), निमंत्रकपदी आकांक्षा भुर्के यांची निवड करण्यात आली.
यावेळी रत्नागिरी, सिंधुदुर्ग व रायगडमधील लेखिका, कवयित्री यांनी मोठ्या संख्येने या समूहात सामील व्हावे, असे आवाहन जिल्हाध्यक्षा सुनेत्रा जोशी यांनी केले आहे. उपाध्यक्षा मुग्धा कुळ्ये यांनी आभार मानले. समूहात सामील होण्यासाठी लेखिका व कवयित्री यांनी ऋतुजा उमेश कुळकर्णी यांच्याशी संपर्क साधावा, असे आवाहन करण्यात आले आहे.