लाेकमत न्यूज नेटवर्क
राजापूर : शिवसेनेच्या वरिष्ठ पातळीवरून आलेल्या आदेशाचे पालन करत राजापूर पंचायत समितीच्या सभापती प्रमिला कानडे यांनी आपल्या पदाचा राजीनामा दिला. या राजीनाम्यानंतर उपसभापती उन्नती वाघरे यांच्याकडे सभापतीपदाचा प्रभारी कार्यभार गुरुवारी देण्यात आला. दरम्यान, राजापूर पंचायत समितीच्या सभापतीची निवडणूक पुढील काही दिवसांत होईल, अशी माहिती सूत्रांकडून प्राप्त झाली असून, कोंड्ये तर्फे सौंदळ गणाच्या सदस्या करुणा कदम यांची पुढील सभापतीपदी निवड निश्चित मानली जात आहे.
शिवसेनेतील ठरलेल्या सूत्रानुसार शिवसेनेच्या वरिष्ठ पातळीवरून आलेल्या आदेशानुसार राजापूर पंचायत समितीच्या सभापती प्रमिला कानडे यांनी आपल्या पदाचा राजीनामा जिल्हा परिषद अध्यक्षांकडे दिला होता. तो तत्काळ मंजूरही झाला असून, उपसभापती उन्नती वाघरे यांच्याकडे सभापती पदाचा प्रभारी कार्यभार देण्यात आला आहे. यावेळी आमदार राजन साळवी, शिवसेना तालुकाप्रमुख प्रकाश कुवळेकर, उपतालुकाप्रमुख राजन कुवळेकर, शहरप्रमुख संजय पवार, जिल्हा परिषद सदस्य दीपक नागले, माजी जिल्हा परिषद सदस्य शरद लिंगायत, कोदवली विभाग प्रमुख संतोष हातणकर, देवाचे गोठणेचे विभागप्रमुख नरेश शेलार, माजी सभापती कमलाकर कदम, सुभाष गुरव, पंचायत समिती सदस्या करुणा कदम यांच्यासह पदाधिकारी उपस्थित होते. प्रभारी सभापती म्हणून कार्यभार स्वीकारल्यानंतर आमदार राजन साळवी यांनी उन्नती वाघरे यांचे अभिनंदन केले.