हातखंबा : लायन्स क्लब ऑफ हातखंबा रॉयलचा शपथविधी आणि पदग्रहण सोहळा नुकताच लायन्स क्लब ऑफ रत्नागिरीच्या अध्यक्षा ॲड.शबाना वस्ता यांच्या अध्यक्षतेखाली झाला. यावेळी इन्स्टॉलेशन ऑफिसर म्हणून जगदीश पुरोहित, इंडक्शन ऑफिसर म्हणून डॉ.शेखर कोवळे उपस्थित होते. प्रमुख पाहुणे म्हणून माजी झोन चेअरमन गुलाम पारेख, एक्सटेंशन ऑफिसर सुनीलदत्त देसाई, लायन्स क्लब रत्नागिरी माजी अध्यक्षा श्रेया केळकर, माजी सचिव मनाली राणे, माजी खजिनदार डॉ.शिवानी पानवलकर प्रमुख अतिथी म्हणून उपस्थित होते.
या छोटेखानी कार्यक्रमात मनोजकुमार खानविलकर, सैफुद्दिन पठाण, गिरीश शितप, संतोष गुरव यांच्या बरोबरीने २०२१-२२ च्या बोर्ड ऑफ डायरेक्टर्सचा पदग्रहण व शपथविधी सोहळा पार पडला. या कार्यक्रमात हातखंबा रॉयल्सचे गाइडिंग लायन म्हणून डॉ.शेखर कोवळे यांनाही प्रशस्तिपत्र आणि पिन देऊन सन्मान करण्यात आला. यावेळी जगदीश पुरोहित, डॉ.कोवळे यांनी मार्गदर्शन केले. रत्नागिरी क्लबचे महेंद्र मांडवकर हेही यावेळी उपस्थित होते. कार्यक्रमाचे सूत्रसंचालन गौरी सावंत-सावेकर यांनी केले. मनस्वी जाधव यांच्या आभाराने कार्यक्रमाची सांगता झाली.