कोरोना अपडेट

२. कोरोना साथीच्या पार्श्वभूमीवर खेड तालुका वैद्यकीय अधिकारी पदाच्या खुर्चीचा खेळ सुरू आहे. येथील प्रभारी तालुका वैद्यकीय अधिकारी डॉ. किरण पाटील यांना अवघ्या २० दिवसांतच या पदावरून तडकाफडकी हटविण्यात आले आहे. त्यांच्या जागी नवीन प्रभारी तालुका वैद्यकीय अधिकारी म्हणून लोटे प्राथमिक आरोग्य केंद्राचे डॉ. चेतन कदम यांची नियुक्ती करण्यात आली आहे. डॉ. पाटील यांचा अचानक कार्यभार काढून घेण्यात आल्याने आश्चर्य व्यक्त करण्यात येत आहे.

३. रत्नागिरी जिल्हा पोलीस प्रशासनाच्या वतीने ग्राम दत्तक योजनेचा उपक्रम हाती घेण्यात आला आहे. या योजनेच्या अनुषंगाने दत्तक घेतलेल्या भंडारपुळे गावामध्ये जयगड पोलीस ठाण्याच्या अखत्यारीत असलेल्या गणपतीपुळे पाेलीस ठाण्याच्या वतीने भंडारपुळे गावात नुकतीच ॲन्टिजन तपासणी मोहीम करण्यात आली. पाेलीस उपनिरीक्षक अस्मिता पाटील यांच्या पुढाकाराने भंडारपुळे गाव दत्तक घेतले असून, हा गाव संपूर्ण कोरोनामुक्त असावा, अशा हेतूने ही तपासणी मोहीम राबविण्याचा निर्णय घेतला.