Rajasthan Assembly Election | Rajasthan Assembly Election Result 2023 | Rajasthan Legislative Assembly Election Live Updates | Rajasthan Assembly Election Result 2023 Live | Rajasthan Assembly Election Result |राजस्थान विधानसभा निवडणूक निकाल 2023 | Rajasthan Exit Polls

अलवर - राजस्थानच्या अलवर येथील किशनगड परिसरातील आदर्श नगर कॉलनीत निळ्या रंगाच्या ड्रममध्ये पोलिसांना मृतदेह सापडला. या प्रकरणाचा पोलीस तपासात खुलासा झाला असून मृत हंसराजची पत्नी लक्ष्मीदेवी आणि तिचा प्रियकर जितेंद्र शर्मा या दोघांना अटक करण्यात आली आहे. त्याशिवाय दोघांसह ३ मुलांना सुरक्षितपणे त्यांच्या नातेवाईकांकडे सोपवण्यात आले आहे.खैरथल पोलीस अधीक्षक मनिष चौधरी यांनी पत्रकार परिषद घेतली. त्यात ते म्हणाले की, हंसराजच्या हत्येमागे प्रेम प्रकरण असल्याचं उघड झाले. मृतकाची पत्नी लक्ष्मी आणि जितेंद्र शर्मा या दोघांचे अनैतिक संबंध होते. दोघांनी मिळून हंसराजचा काटा काढण्याचं प्लॅनिंग रचलं. कटानुसार, १५ ऑगस्टच्या रात्री तिघे एकत्रित दारू प्यायला बसले होते. नशेत धुंद हंसराज झोपला होता, तेव्हा जितेंद्र त्याच्या छातीवर बसला आणि उशीने त्याचा चेहरा दाबला. लक्ष्मीने पतीचे दोन्ही पाय पकडले. त्यानंतर श्वास गुदमरल्यामुळे हंसराजचा काही वेळातच मृत्यू झाला असं त्यांनी सांगितले. हत्येनंतर या दोघांनी मृतदेह प्लास्टिकच्या निळ्या ड्रममध्ये टाकला. त्यावर मीठ आणि चादर टाकून मुलांना घेऊन तिथून पसार झाले. या घटनेची माहिती मिळाल्यानंतर पोलिसांनी घटनास्थळी गाठत तपासाला सुरुवात केली. तेव्हा ड्रममधील मृतदेह हंसराजचा असल्याची ओळख पटली. तपासावेळी पोलिसांना ड्रम, एक धारदार शस्त्र, चादर पुरावा म्हणून सापडले. पोलिसांनी मृतदेह ताब्यात घेत पोस्टमोर्टमला पाठवला होता. आरोपींच्या शोधासाठी पोलिसांनी सर्च ऑपरेशन हाती घेतले. सोमवारी दोन्ही आरोपी रामगडच्या अलवाडा गावात विटभट्टीवर काम मागण्यासाठी पोहचले होते. त्यांच्यावर संशय आल्याने स्थानिकांनी पोलिसांना कळवले. पोलीस तिथे पोहचली तेव्हा दोघांनी पळून जाण्याचा प्रयत्न केला परंतु पाठलाग करत त्यांना अटक करण्यात आली. दरम्यान, पोलीस चौकशीत या दोघांनी त्यांचा गुन्हा कबूल केला. पाणी साठवण्याच्या बहाण्याने घरमालकाकडून आरोपी पत्नी लक्ष्मीने ड्रम घेतला होता. अलीकडेच मेरठमध्ये झालेल्या निळ्या ड्रम हत्याकांडातून या दोघांना आयडिया मिळाली होती असं त्यांनी सांगितले. मृत हंसराजच्या तिन्ही मुलांना बाल कल्याण समितीकडे सोपवले आहे. प्रेम प्रकरण आणि अनैतिक संबंधांतून हंसराजची हत्या केल्याचं तपासातून उघड झाले आहे.

Rajasthan (Marathi News)

Jaisalmer Tragedy: राजस्थानातील जैसलमेर जिल्ह्यात मंगळवारी दुपारी मोठी दुर्घटना घडली. ...

Rajasthan Jaisalmer Bus Catches Fire: राजस्थानातील जैसलमेर जिल्ह्यात मंगळवारी दुपारी धावत्या बसला अचानक आग लागल्याने एकच खळबळ माजली. ...

राजस्थानमधील अजमेर येथील ख्रिश्चनगंज पोलिसांच्या हद्दीत अत्यंत धक्कादायक प्रकार घडला. ...

राजस्थानमधील भिलवाडा जिल्ह्यातील करेडा पोलीस स्टेशनच्या बागजाना गावात बुधवारी एक दुर्दैवी घटना घडली. ...