Rajasthan (Marathi News)

राजस्थानातील जैसलमेर जिल्ह्यात मंगळवारी दुपारी मोठी दुर्घटना घडली. जोधपूरकडे जाणाऱ्या एका खासगी बसला युद्ध संग्रहालयाजवळ अचानक आग लागली. सुरुवातीला मृतांचा आकडा १२ असण्याचा अंदाज होता, परंतु आता मृतांचा आकडा २० वर पोहोचल्याची माहिती समोर येत आहे. आग लागल्यामुळे काही क्षणांतच बस पूर्णपणे जळून खाक झाली, ज्यामुळे प्रवाशांमध्ये मोठी घबराट पसरली. या दुर्घटनेवर पंतप्रधान नरेंद्र मोदी यांनी दुःख व्यक्त केले. तसेच पंतप्रधानांनी अपघातग्रस्तांसाठी मदतीचीही घोषणा केली.मिळालेल्या माहितीनुसार, अपघातग्रस्त बस मंगळवारी दुपारी ३ वाजता ५० हून अधिक प्रवाशांसह जैसलमेरहून निघाली. परंतु, थायत गावाजवळून जात असताना बसच्या मागून धूर येऊ लागला आणि काही क्षणातच संपूर्ण बस पेटली. अनेक जण खिडक्या आणि दरवाज्यांमधून पळून जाण्यात यशस्वी झाले. या घटनेची माहिती मिळताच पोलीस, प्रशासन आणि जवळच्या लष्कराचे जवान तातडीने घटनास्थळी दाखल झाले आणि त्यांनी बचावकार्य सुरू केले. या दुर्घटनेवर जवळपास २० जणांचा मृत्यू झाल्याचा शक्यता व्यक्त केली जात आहे. या दुःखद घटनेबद्दल पंतप्रधान नरेंद्र मोदी यांनी तीव्र दुःख व्यक्त केले "जैसलमेर बस दुर्घटनेबद्दल मालमत्तेच्या नुकसानीबद्दल मी दुःख व्यक्त करतो. ज्यांनी त्यांचे जवळचे आणि प्रियजन गमावले आहेत, त्यांच्यासोबत माझ्या संवेदना आहेत. जखमींच्या लवकर पुनर्प्राप्तीसाठी मी प्रार्थना करतो", असे मोदी म्हणाले. याचबरोबर त्यांनी अपघातग्रस्तांसाठी मदतीचीही घोषणा केली. पंतप्रधान राष्ट्रीय मदत निधीतून या अपघातातील प्रत्येक मृताच्या कुटुंबियांना २ लाख रुपये आणि जखमींना ५० हजार रुपये मदत म्हणून देण्यात येतील.

Rajasthan (Marathi News)

Rajasthan Bus-truck collision: राजस्थानमधील सीकर जिल्ह्यात मंगळवारी रात्री एक अत्यंत भीषण अपघात घडला. ...

Rajasthan Anti Conversion Law: धर्म बदलण्यासाठी आता सरकारची परवानगी बंधनकारक, मात्र 'घरवापसी'ला सूट! ...

Kota youth beat crocodile viral video: राजस्थानमधील कोटा शहरातून एक अत्यंत संतापजनक घटना समोर आली. ...

Jaipur Bus Fire: जयपूरच्या टोंक रोडवर सीटी ट्रान्सपोर्टच्या मिनीबसला अचानक आग लागली. ...

Jaisalmer Tragedy: राजस्थानातील जैसलमेर जिल्ह्यात मंगळवारी दुपारी मोठी दुर्घटना घडली. ...