लोकमत न्यूज नेटवर्क
मार्गासनी : राजगडाच्या कड्यावरून सेल्फी काढण्याच्या नादात मुंबईतील १९ वर्षीय तरूणाचा दरित कोसळून मृत्यू झाला. ही घटना रविवारी घडली. अनुराग अनिल राक्षे (वय १९, रा. भायखळा, मुंबई) असे मृत्यू झालेल्या तरुणाचे नाव आहे.
पोलिसांनी दिलेल्या माहितीनुसार किल्ले राजगडावर १६ लोकांचा एक ग्रुप आला होता. किल्ले राजगडावरील पद्मावती माचीवरील गुंजवण्याच्या बाजुने सकाळी सातच्या दरम्यान सुर्यादयाच्या वेळी सेल्फी काढत असताना अनुरागच्या हातातील पॅावर बॅंक खाली पडली. ती पॅावर बॅंक काढण्यासाठी तो खाली गेला असता त्याचा तोल जाऊन हा तरुण किल्ल्याच्या तटावरुन खाली कोसळला. साधारण एक हजार फुट खोल दरीत हा युवक कोसळल्याने त्याचा जागीच मुत्यु झाला. अनुरागचा मृतदेह दरितून येथील बाळु पवार, अनिल फणसे, गोविंद रसाळ, पोलीस पाटील बाळासाहेब रसाळ, पोलीस जवान अभय साळुंखे, औंदुबर आडवाल
आदींनी बाहेर काढुन किल्ल्याच्या पायथ्याशी गुंजवणे येथे आणले. पोलीसांनी ताबडतोब रुग्णवाहिका बोलावुन मृतदेह शवविच्छेदनासाठी पुण्यात पाठवला. सहाय्यक पोलीस निरीक्षक मनोज पवार यांच्या मार्गदर्शनाखाली औंदुंबर आडवाल अभय साळुंखे अधिक तपास
करीत आहेत.