पुणे: वैष्णवी हगवणे आत्महत्या प्रकरणात राजेंद्र हगवणे आणि सुशील हगवणे यांना मदत करणाऱ्या संकेत चोंधेच्या कुटुंबाचा धक्कादायक कारनामा समोर आला आहे. चोंधे याच्यावर मंगळवारी रात्री अदखलपात्र गुन्हा दाखल करण्यात आला आहे. आता एक नवे प्रकरण समोर आल्यानंतर खळबळ उडाली आहे. राजेंद्र हगवणे आणि त्याचा मुलगा सुशील हगवणे हे फरार असताना ज्या गाडीमधून फिरत होते. त्या गाडीच्या मालक हा संकेत चोंधे आहे. त्याच्यावर पत्नीच्या कौटुंबिक छळाचा आरोप आहे. वीस लाख हुंड्यासाठी त्याने पत्नीची छळ केल्याची धक्कादायक बाब समोर आली आहे.
चोंधे कुटुंबातील नवरा, दीर आणि सासरच्या जाचामुळे विवाहितेने आत्महत्येचा प्रयत्न केला होता. या प्रकरणी खडक पोलीस स्टेशन आणि महिला आयोगाकडे तक्रार करूनही कोणतीही कारवाई नसल्याचा दावा करण्यात आला आहे. समोर आलेल्या माहितीनुसार नवरा सुयश चोंधे आणि दीर संकेत चोंधे सासरा नरेश चोंधे सासू वैशाली चोंधे यांच्या विरोधात पाच महिन्यांपूर्वी पोलीस स्टेशनला आणि चार महिन्यांपूर्वी महिला आयोगाला तक्रार करण्यात आली होती. मात्र कोणतीही दखल घेतली गेली नाही. असा दावा धनश्री चोंधेकडून करण्यात आला.
विवाहितेने आरोप केलाय की, लग्नात दोन लाख हुंडा आणि दोन तोळे सोनं दिलं होतं. लग्नानंतरही वारंवार पैशाची मागणी केली जात होती. सासू काळी जादू करायची. वीस लाख हुंड्याची मागणी करत छळ आणि मारहाण करण्यात आली. नवरा सासूसह सासरा आणि दिरानेही धनश्रीवर अत्याचार केले. याप्रकरणी तिच्या सात फेब्रुवारीला खडक पोलीस स्टेशन मध्ये गुन्हा दाखल करण्यात आला होता. धनश्रीचा नवरा सुयशने अश्लील व्हिडिओ दाखवून जबरदस्ती करून शारीरिक संबंध ठेवण्यास जबरदस्ती केली होती. मला सासूने काळी जादू करण्यासाठी भाग पडल्याची गंभीर आरोप धनश्रीने केले आहेत.
सुयशच्या पत्नीने आणखीन एक धक्कादायक आरोप करताना म्हटलंय की, सासू वैशाली चोंधे काळी जादू करत होती. लग्नात दोन लाख रुपये आणि सोनं देऊनही पैशांची वारंवार मागणी केली जात होती. तिच्या म्हणण्यानुसार नवऱ्याने अश्लील व्हिडिओ दाखवत शरीर संबंधासाठी दबाव आणला. दीर आणि नवरा हे सासूसमोर गांजा पित असत. सुयश चोंधे व संतोष चोंधे त्यांच्या गाडीला लाल दिवा लावून मुळशीमध्ये फिरत होते. लाल दिवा वापरण्यास बंदी असतानाही गाडीचा गैरवापर चोंधे यांनी केला असल्याचे पत्नीने सांगितले आहे.