लोकमत न्यूज नेटवर्क
पुणे : प्राधिकरण जिमखान्याच्या वतीने आयोजित प्रेसिडेंट करंडक १२ व १४ वर्षांखालील क्रिकेट स्पर्धेत साखळी फेरीत १४ वर्षांखालील गटात साई क्रिकेट अकादमी, दिवेकर क्रिकेट अकादमी या संघांनी प्रतिस्पर्ध्याचा संघांचा पराभव करून सलग दुसरा विजय नोंदविला.
निगडीच्या मदनलाल धिंगरा मैदानावर खेळल्या जाणाऱ्या या स्पर्धेत पहिल्या सामन्यात शार्दूल तापकीरच्या फलंदाजीच्या जोरावर साई क्रिकेट अकादमी संघाने रावेत जिमखाना संघाचा ९ गडी राखून पराभव करत दुसरा विजय मिळवला. दुसऱ्या सामन्यात वरद रणावरेच्या धडाकेबाज फलंदाजीच्या जोरावर दिवेकर क्रिकेट अकादमी संघाने प्राधिकरण जिमखाना संघाचा ६४ धावांनी पराभव केला.
स्पर्धेचा सविस्तर निकाल :
साखळी फेरी :
रावेत जिमखाना : २५ षटकात ७ बाद १२७ धावा, प्रवीण मनोरे नाबाद ६८, स्वयम तांचीकर १६, तेजस जगताप १३, मिहीर जाधव २-६, श्रेयश ढोबळे १-२६ पराभूत वि. साई क्रिकेट अकादमी : ११.५ षटकात १ बाद १२९ धावा, शार्दूल तापकीर ५३, समर्थ देवकर ४६, प्रवीण मनोरे १-१८ ; सामनावीर - शार्दूल तापकीर; साई क्रिकेट अकादमी संघ ९ गडी राखून विजयी;
दिवेकर क्रिकेट अकादमी : २५ षटकात ८ बाद २०८ धावा, वरद रणावरे ९२, ऋषी वर्मा २९, रिषभ कुलकर्णी २१, यश चौधरी ४-२६ वि.वि. प्राधिकरण जिमखाना : २५ षटकात ८ बाद १४४ धावा, स्वयम पाटील नाबाद ३६, आर्यन घोरपडे २०, कौस्तुभ कुलकर्णी १४, संस्कार जैन १४, सम्यक जैन ४-१४, आर्यन यादव २-२४; सामनावीर-वरद रणावरे; दिवेकर क्रिकेट अकादमी संघ ६४ धावांनी विजयी.