पुणे : देशातील धार्मिक व सांस्कृतिक पर्यटनाला चालना देण्यासाठी इंडियन रेल्वे केटरिंग ॲड टूरिझमकडून ‘भारत गौरव पर्यटक रेल्वे’ योजनेअंतर्गत ‘डिवाइन राजस्थान विथ उज्जैन यात्रा’ या विशेष पर्यटन यात्रेची घोषणा केली आहे. ही यात्रा ११ दिवसांची असून, सोलापूर येथून सुटणार आहे. या काळात राजस्थान व मध्यप्रदेशातील प्रमुख धार्मिक आणि ऐतिहासिक स्थळांना भेट देण्यात येणार आहे.
आयआरसीटीसी पश्चिम विभागाचे, ग्रुप जनरल मॅनेजर गौरव झा यांनी सांगितले की, एसी व नॉन-एसी डब्यांसह ही भारत गौरव पर्यटक रेल्वे आरामदायी, सुरक्षित आणि नियोजित प्रवासाचा अनुभव देईल. या यात्रेमध्ये उदयपूर, जोधपूर, जयपूर उज्जेनसह इतर धार्मिक व पर्यटन स्थळांचा समावेश आहे.
विशेषतः उज्जैन येथील महाकालेश्वर ज्योतिर्लिंग दर्शनाचा आहे. पर्यटक रेल्वेमध्ये इकॉनॉमी स्लीपर, स्टँडर्ड ३ एसी आणि कम्फर्ट २ एसी अशा तीन श्रेणी उपलब्ध असून, सुमारे ७५० प्रवाशांची व्यवस्था करण्यात आली आहे. सोलापूरसह कुर्डुवाडी, दौंड, पुणे, लोणावळा, कल्याण, वसई रोड, सुरत, वडोदरा आणि रतलाम या स्थानकांवर बोर्डिंग व डिबोर्डिंग सुविधा उपलब्ध राहणार आहे. या सर्वसमावेशक पॅकेजमध्ये रेल्वे प्रवास, बजेट हॉटेलमध्ये डबल/ट्रिपल शेअरिंगवर निवास, संपूर्ण प्रवासादरम्यान शुद्ध शाकाहारी भोजन, एसी व नॉन-एसी वाहनांद्वारे स्थानिक पर्यटन व ट्रान्सफर, प्रवास विमा तसेच आयआरसीटीसी टूर मॅनेजरची सेवा यांचा समावेश आहे.
Web Summary : IRCTC announces 'Divine Rajasthan with Ujjain Yatra', an 11-day Bharat Gaurav tourist train. Departing from Solapur, it covers Rajasthan and Madhya Pradesh's religious sites, including Mahakaleshwar Jyotirlinga. Accommodation, meals, local transport, and insurance are included; boarding available at various stations.
Web Summary : आईआरसीटीसी ने 'डिवाइन राजस्थान विथ उज्जैन यात्रा' की घोषणा की, जो 11 दिनों की भारत गौरव पर्यटक ट्रेन है। सोलापुर से प्रस्थान, यह महाकालेश्वर ज्योतिर्लिंग सहित राजस्थान और मध्य प्रदेश के धार्मिक स्थलों को कवर करती है। आवास, भोजन, स्थानीय परिवहन और बीमा शामिल हैं; विभिन्न स्टेशनों पर बोर्डिंग उपलब्ध है।