सोमेश्वरनगर : सोमेश्वर कारखान्याच्या सन २०२५-२०२६ चालू गळीत हंगाममध्ये गाळपास येणाऱ्या उसासाठी पहिला हप्ता प्रतिटन ३ हजार ३०० रुपयेप्रमाणे देणार असल्याची माहिती अध्यक्ष पुरुषोत्तम जगताप यांनी दिली.
कारखान्याचा गळीत हंगाम १ नोव्हेंबरपासून चालू असून सध्या १० हजार मे. टन प्रतिदिन क्षमतेने गाळप होत आहे. आजअखेर एकूण २ लाख ४ हजार २५५ मे. टन गाळप झाले असून जिल्ह्यामध्ये उच्चांकी साखर उतारा राखून १ लाख ९८ हजार १०० क्विंटल इतके साखरेचे उत्पादन झालेले आहे. तसेच डिस्टीलरीमधून ९ लाख २० हजार लिटर्स अल्कोहोलचे उत्पादन घेतलेले आहे तर सहवीजनिर्मिती प्रकल्पामधून १ कोटी १५ लाख ५४ हजार ९२० युनिट्सची महावितरण कंपनीस विक्री केलेली आहे.
राज्याचे उपमुख्यमंत्री अजित पवार यांच्या मार्गदर्शनाखाली कारखान्याची विकासाची घोडदौड चालू असून गाळप हंगाम २०२५-२६ हा देखील विक्रमी व यशस्विरीत्या पार पडेल अशा प्रकारचे नियोजन कारखाना व्यवस्थापनाने केलेले आहे. या हंगामामध्ये साधारणपणे १४ लाख मे.टन गाळपाचे उद्दिष्ट ठेवलेले असून ऊसपुरवठा सातत्याने होण्याच्या दृष्टिकोनातून पुरेशी ऊसतोडणी व वाहतूक यंत्रणा भरलेली आहे.
शासनाच्या नियमानुसार या गाळप हंगामासाठी श्री सोमेश्वर कारखान्याचा रास्त व किफायतशीर दर (एफ.आर.पी.) प्रतिटन ३ हजार २८५ रुपये प्र.मे.टन इतका निघत असून, संचालक मंडळाने प्रथम हप्त्यापोटी ३ हजार ३०० रुपये प्र.मे.टन देण्याचे निश्चित केलेले आहे. दि. १ ते १५ नोव्हेंबर या कालावधीमध्ये गळितास आलेल्या उसाची प्रथम हप्त्याप्रमाणे होणारी रक्कम ऊस उत्पादक सभासदांच्या बँक खात्यामध्ये २ दिवसांमध्ये वर्ग करीत असल्याचे कारखान्याचे अध्यक्ष पुरुषोत्तम जगताप यांनी सांगितले.
Web Summary : Someswar factory will pay ₹3300/ton as the first installment to sugarcane farmers. The factory crushed 2,04,255 tons of sugarcane, producing 1,98,100 quintals of sugar and 9,20,000 liters of alcohol. The factory targets 14 lakh tons crushing this season.
Web Summary : सोमेश्वर चीनी मिल गन्ना किसानों को पहली किस्त के रूप में ₹3300/टन का भुगतान करेगी। मिल ने 2,04,255 टन गन्ने की पेराई कर 1,98,100 क्विंटल चीनी और 9,20,000 लीटर अल्कोहल का उत्पादन किया। इस सीजन में मिल का लक्ष्य 14 लाख टन पेराई करना है।