जेजुरी : चैत्र पौर्णिमा यात्रेनिमित्त महाराष्ट्राचे कुलदैवत खंडोबा देवाच्या दर्शनासाठी जेजुरी गडावर भाविकांची मोठी गर्दी उसळली. कुलधर्म-कुलाचारानुसार विविध धार्मिक विधी पार पडत ‘येळकोट येळकोट जय मल्हार’च्या घोषणांनी गड परिसर दुमदुमून गेला.
चैत्र पौर्णिमा हा खंडोबा देवाचा अवतार दिन मानला जात असल्याने भाविकांनी देवाला प्रिय असलेल्या सुगंधी दवण्याची पूजा केली. श्री मार्तंड देवसंस्थानच्या वतीने मंदिर गाभारा व गडकोटात आकर्षक फुलांची सजावट करून महापूजा करण्यात आली. देवाचे मानकरी सचिन झगडे यांच्या हस्ते दवणा अर्पण करण्यात आला.
पौर्णिमेचा पुण्यकाळ लक्षात घेऊन कालपासूनच भाविकांची गर्दी सुरू झाली होती. गावोगावच्या शिखर काठ्या वाजत-गाजत गडावर दाखल झाल्यानंतर भंडाऱ्याची उधळण करत भाविकांनी उत्साहात देवदर्शन घेतले.
यात्रेनिमित्त देवदर्शन, तळी भंडारा, जागरण गोंधळ आदी धार्मिक विधी मोठ्या भक्तिभावाने पार पडले. शहरातील बाजारपेठही भाविकांनी फुलून गेली होती. दरम्यान, कडक उन्हाळा, शालेय परीक्षा, गावोगावी सुरू असलेल्या जत्रा व अवकाळी पावसाच्या पार्श्वभूमीवर यंदा अपेक्षेपेक्षा भाविकांची संख्या काहीशी कमी असल्याचे दिसून आले.
Web Summary : Jejuri's Khandoba temple saw a massive influx of devotees for the Chaitra Purnima Yatra. The temple resonated with 'Yelkot' chants as rituals were performed. Despite the heat and exams, devotees thronged for darshan.
Web Summary : जेजुरी के खंडोबा मंदिर में चैत्र पूर्णिमा यात्रा के लिए भक्तों की भारी भीड़ उमड़ी। मंदिर 'येळकोट' के जयकारों से गूंज उठा और अनुष्ठान किए गए। गर्मी और परीक्षा के बावजूद, भक्त दर्शन के लिए उमड़े।