पुणे महानगरपालिकेचा वृक्ष प्राधिकरणात गैरव्यवहार; आपचा आरोप

या पर्यावरणीय नुकसान भरपाई म्हणून मनपा आयुक्त प्राधिकरणाचे अध्यक्ष म्हणून कार्यरत असलेल्या मनपा आयुक्तांसह प्राधिकरणाचे सदस्य व वृक्ष अधिकारी यांनी कायद्याचे उल्लंघन करत वृक्ष प्राधिकरणात गैरव्यवहार केला आहे.

पुणे :पुणे महानगरपालिकेच्या वृक्ष प्राधिकरणात संगनमताने पर्यावरणविरोधी गैरव्यवहार केल्याचा आरोप आम आदमी पार्टी (आप)च्या वतीने महापालिकेच्या वृक्षप्राधिकरण प्रशासनावर केला आहे. २०२२ ते २०२५ दरम्यान, शहरात वृक्षरोपण आणि वृक्षतोड होऊन पर्यावरण हानी झाली आहे.

या पर्यावरणीय नुकसान भरपाई म्हणून मनपा आयुक्त प्राधिकरणाचे अध्यक्ष म्हणून कार्यरत असलेल्या मनपा आयुक्तांसह प्राधिकरणाचे सदस्य व वृक्ष अधिकारी यांनी कायद्याचे उल्लंघन करत वृक्ष प्राधिकरणात गैरव्यवहार केला आहे. त्यामुळे संबंधितांवर राज्य सरकारने तातडीने कारवाई करावी तसेच पर्यावरणीय नुकसानीची भरपाई म्हणून अतिरिक्त ३ लाख ४० हजार वृक्षारोपण करावे, अशी मागणी आपचे शहराध्यक्ष सुदर्शन जगदाळे, प्रवक्ते मुकुंद किर्दत आणि ॲड. कुणाल घारे यांनी पत्रकार परिषदेत केला.

वृक्ष अधिकाऱ्यांनी २२ हजार ३६२ वृक्षांची तोड आणि प्रत्यारोपण करण्याची परवानगी कायदेशीर प्रक्रियांचे उल्लंघन करून दिली. नियमांनुसार, भरपाई वृक्षारोपणाचे स्थान परवानग्यांमध्ये नमूद करणे अनिवार्य आहे. वृक्ष प्राधिकरणाकडील परवानग्यांमध्ये याचा कोणताही रेकॉर्ड नाही. ज्यामुळे अशा सर्व परवानग्या अवैध ठरतात. वृक्ष अधिनियम आणि सर्वोच्च न्यायालयाच्या निर्णयांनुसार संभाव्य दंड २०० कोटींपेक्षा जास्त असल्याचेही त्यांनी यावेळी सांगितले.