चाकण : चाकण शहरातील अत्यंत गजबजलेल्या ठिकाणी मच्छीमार्केटच्या समोरील गल्लीत राजगुरुनगर येथील एका युवकाचा खून झाल्याची धक्कादायक घटना समोर आली आहे. ही घटना शनिवारी (दि. १४) दुपारी घडली. किरकोळ वादातून हा प्रकार घडल्याचे प्राथमिक तपासात समोर आले आहे. प्रथमेश माने (रा.राजगुरुनगर, ता.खेड, जि.पुणे) असे खून झालेल्या युवकाचे नाव आहे. या घटनेची माहिती मिळताच, चाकण उत्तर पोलिस स्टेशनचे पथक तातडीने घटनास्थळी दाखल झाले. तपासाची चक्रे वेगाने फिरवत पोलिसांनी संशयितांना ताब्यात घेतले आहे.
या प्रकरणी रात्री उशिरापर्यंत गुन्हा दाखल करण्याची प्रक्रिया सुरू होती. दरम्यान, चाकण पोलिसांनी घटनास्थळाचा पंचनामा केला आहे. संबंधित युवकाचा मृतदेह ताब्यात घेतला असून, उत्तरीय तपासासाठी चाकण ग्रामीण रुग्णालयात पाठविण्यात आला आहे. खुनाचे खरे कारण रात्री उशिरापर्यंत समजले नसून, या घटनेचा चाकण उत्तर पोलिसांनी कसून तपास सुरू केला आहे. गेल्या आठवड्यात बिरदवडी (ता.खेड) येथे अनैतिक संबंधातून तरुणाचा खून झाल्याचा प्रकारही उघडकीस आला होता.
Web Summary : A youth from Rajgurunagar was murdered in Chakan near the fish market due to a minor dispute. Police have taken suspects into custody and are investigating the case. The deceased's body has been sent for post-mortem. A similar murder related to immoral affairs occurred last week in Biralwadi.
Web Summary : चाकण में मछली बाजार के पास मामूली विवाद में राजगुरुनगर के एक युवक की हत्या कर दी गई। पुलिस ने संदिग्धों को हिरासत में ले लिया है और मामले की जांच कर रही है। मृतक का शव पोस्टमार्टम के लिए भेज दिया गया है। पिछले हफ्ते बिरलवाड़ी में अनैतिक संबंधों से जुड़ी ऐसी ही एक हत्या हुई थी।