पुणे : पुणे स्टेशन परिसरात पीएमपी चालक आणि दुचाकीचालक तरुण या दोघांमध्ये जोरदार हाणामारी झाल्याची घटना घडली आहे. या घटनेचा व्हिडिओ व्हायरल झाल्याने शहरात एकच खळबळ उडाल्याचे दिसू लागले आहे.
पुणे स्टेशन परिसरात रस्त्यावरून जाताना दुचाकीचालक तरुण आणि पीएमपी चालक-वाहकांत जोरदार हाणामारी झाली. तरुणांनी चालकाला चक्क चपलेने मारल्याचे व्हिडिओत दिसत आहे. सलग तिसर्या दिवशी असा प्रकार घडला आहे. याप्रकरणी दोघांनी एकमेकांविरोधात पोलिसांत तक्रारी केल्या आहेत. रविवारी स्वारगेट डेपोची बस सुसाट वेगाने पुणे स्टेशन परिसरात आली. तेथे दुचाकीवरून तरुण जात होते. ते बससमोर आडवे आले. त्यामुळे चालकाने त्यांना हटकले. दोघांनीही एकमेकांच्या चुका सांगत बाचाबाची केली. तरुणांनी थेट चालकाची कॉलर पकडून चपलांनी हाणामारी सुरू केली. दोघे एकमेकांना मारहाण करत असल्याचे व्हिडिओत दिसत आहे. त्यानंतर काही नागरिकांनी मध्यस्थी करून भांडणे थांबवली.