लोहगाव: येरवड्यातील भूमी अभिलेख कार्यालयाच्या मोकळ्या आवारात सोमवारी दुपारी भीषण आग लागल्याची खळबळजनक घटना घडली. या आगीत पार्किंगमध्ये उभ्या केलेल्या सुमारे १५ ते २० चारचाकी आणि ४० ते ५० दुचाकी अशी एकूण ५० हून अधिक वाहने जळून खाक झाली आहेत. सुदैवाने, या दुर्घटनेत कोणतीही जीवितहानी झाली नाही.
मिळालेल्या माहितीनुसार, सोमवारी दुपारी १२:३०च्या सुमारास भूमी अभिलेख कार्यालयाच्या मैदानात अचानक आग लागली. येथील वाळलेले गवत आणि कचऱ्यामुळे आगीने काही क्षणांतच रौद्ररूप धारण केले. यावेळी मैदानात रांगेत उभी असलेली वाहने एकापाठोपाठ एक आगीच्या भक्ष्यस्थानी पडली. आगीमुळे परिसरात धुराचे मोठे लोट पसरले होते, ज्यामुळे स्थानिक नागरिकांमध्ये भीतीचे वातावरण निर्माण झाले होते. या आगीत जळालेली ही सर्व वाहने नेमकी कोणाची आहेत, याबाबत अद्याप संभ्रम आहे. स्थानिक वाहतूक पोलिसांनी ही वाहने आमची नसल्याचे स्पष्ट केले आहे. धक्कादायक बाब म्हणजे, इतकी मोठी हानी होऊनही अद्याप कोणत्याही खासगी कंपनीने किंवा व्यक्तीने या वाहनांवर मालकी हक्क सांगितलेला नाही.
सिगारेटच्या थोटकामुळे आग?
आगीचे नेमके कारण अद्याप स्पष्ट झालेले नाही. मात्र, घटनास्थळी कचऱ्याचा ढीग आढळला असून, अज्ञाताने जळती सिगारेट फेकल्यामुळे ही आग लागली असावी, असा प्राथमिक संशय अग्निशमन दलाचे अधिकारी सोपान पवार यांनी व्यक्त केला आहे.
Web Summary : A fire in Pune's Bhumi Abhilekh office premises destroyed over 50 vehicles. A discarded cigarette butt is suspected as the cause. No casualties were reported. The ownership of the burnt vehicles remains unclear.
Web Summary : पुणे के भूमि अभिलेख कार्यालय परिसर में आग लगने से 50 से अधिक वाहन जलकर खाक हो गए। सिगरेट के ठूंठ को आग लगने का कारण माना जा रहा है। कोई हताहत नहीं। जले हुए वाहनों का स्वामित्व अस्पष्ट है।