या ‘ड्रीम प्रोजेक्ट’ने पुण्यातील पाणीपुरवठ्याचा प्रश्न सुटणार! Pune News

पुण्यातील नागरिकांसाठी एक अत्यंत आनंदाची बातमी आता समोर आली आहे. पुण्यामध्ये गेल्या अनेक दिवसांपासून लांबणीवर असलेला पाणीपुरवठ्याचा प्रश्न आता सुटणार आहे. पुणे महापालिकेचा 'भामा-आसखेड पाणीपुरवठा प्रकल्प’ पूर्णपणे प्रत्यक्षात साकार होणार आहे. तब्बल सात वर्षांच्या खडतर प्रयत्नानंतर या प्रकल्पातील पाणीपुरवठ्याची चाचणी सध्या सुरू झाली आहे. पुणे शहरातील लोहगाव, कळस, धानोरी, वडगावशेरी, खराडी, चंदननगर व येरवडा परिसरातील नागरिकांना या प्रकल्पामुळे मोठा दिलासा मिळणार आहे.