--
शिरूर : शिरूर शहरात नगरपरिषदेच्या माध्यमातून विकासकामे करताना कुठलाही पक्ष व गटतट न पाहता निरपेक्षपणे विकासकामे सुरू राहतील, असे प्रतिपादन शिरूर नगरपरिषद सभागृह नेते प्रकाश धारिवाल यांनी केले.
शिरूर शहरातील सोनार आळी परिसरातील डंबेनाला व स्टेट बँक कॉलनी येथील नाल्यांच्या कामाचे भूमिपूजन प्रकाश धारिवाल यांच्या हस्ते करण्यात आले. लोकजागृती संघटनेचे अध्यक्ष रवींद्र धनक, शिरूर शहर विकास आघाडी अध्यक्ष सुभाष पवार, तालुका खरेदी विक्री संघाचे संचालक शरद कालेवार, उद्योजक किरण पठारे, पोपट कुरंदळे, नगरसेवक मुजफ्फर कुरेशी, अभिजित पाचर्णे, विठ्ठल पवार, नितीन पाचर्णे, मंगेश खांडरे, संजय देशमुख, सचिन धाडीवाल, नगरसेविका मनीषा कालेवार, उज्ज्वला बरमेचा, सुनीता कुरंदळे, संगीता मल्लाव, अंजली थोरात, रेश्मा लोखंडे, पूजा जाधव यांसह परिसरातील स्थानिक नागरिक उपस्थित होते. नगरसेवक मंगेश खांडरे व नगरसेविका मनीषा कालेवार यांच्या प्रभागातील डंबेनाला, सोनार आळी या शिरूर शहराच्या मध्यवर्ती भागातून मुख्य चेंबर नदीपर्यंत जाणाऱ्या भुयारी गटार नाल्याचे सुवर्णजयंती नगरोस्थान निधीतून बळकटीकरण व सुशोभीकरण करण्याचे सुमारे ७३ लाख ४२ हजार ९६० रुपयांच्या कामाचे व नगरसेविका सुनीता कुरंदळे व नगरसेवक नितीन पाचर्णे यांच्या प्रभागातील स्टेट बँक कॉलनी ते जुना नगर पुणे रोड येथे सुवर्णजयंती नगरोस्थान निधीतून नाला बळकटीकरण व सुशोभीकरण ७३ लाख ३५ हजार व ६२ लाख ८७ हजार रुपयांच्या कामाचे भूमिपूजन करण्यात आले. या कामांमुळे शहरातील वैभवात भर पडणार आहे.
सभागृह नेते प्रकाश धारिवाल म्हणाले की, सन २००७ ते आजपर्यंत दिलेली सर्व कामे निविदा रकमेपेक्षा कमी रकमेने देऊन दर्जेदार कामे करून घेतली आहेत. यामुळे नगर परिषदेचे करोडो रुपये वाचले असल्याचे सभागृह नेते प्रकाश धारिवाल यांनी सांगितले.
010921\img-20210831-wa0018.jpg
शिरूर शहरात , डंबेनाला सोनार आळी पसिरात भुयारी गटर योजनेचे भुमिपूजन करताना सभागृह नेते प्रकाश धारीवाल वमान्य वर