पुणे : कल्याणीनगर परिसरात मसाज सेंटरच्या आडून सुरू असलेला वेश्याव्यवसायावर पोलिसांनी कारवाई केली. यावेळी एका आरोपीला अटक केली आहे. येरवडा पोलिसांनी छापा टाकून हा प्रकार उघडकीस आणला. ही कारवाई ईश्वरधाम अपार्टमेंट, जॉगर्स पार्कजवळील ‘नीरा स्पा’ मसाज सेंटरमध्ये ३१ मार्चच्या रात्री करण्यात आली.
याप्रकरणी अरमान रहिमउद्दीन हुसेन (वय २१) याला अटक करण्यात आली असून, त्याच्या एका साथीदाराचा शोध सुरू आहे. पोलिसांनी दिलेल्या माहितीनुसार, आरोपींनी संगनमताने मसाज सेंटरच्या नावाखाली संबंधित ठिकाणी कुंटणखाना चालवला होता. पीडित मुलींना पैशांचे आमिष दाखवून त्यांच्याकडून वेश्याव्यवसाय करून घेतला जात होता.
तसेच, त्यांच्या कमाईवर उपजीविका करत त्यांचे लैंगिक शोषण करण्यात येत असल्याचे तपासात निष्पन्न झाले. या प्रकरणी अनैतिक व्यापार प्रतिबंधक कायद्यासह संबंधित कलमान्वये गुन्हा दाखल करण्यात आला आहे. पोलिस उपनिरीक्षक दर्शन देवगडे पुढील तपास करत आहेत.
Web Summary : Pune police busted a prostitution racket operating under the guise of a massage parlor in Kalyani Nagar, arresting one person. Victims were lured with money and sexually exploited. Police investigations are ongoing, with further arrests expected.
Web Summary : पुणे पुलिस ने कल्याणी नगर में एक मसाज पार्लर की आड़ में चल रहे वेश्यावृत्ति रैकेट का भंडाफोड़ किया, जिसमें एक व्यक्ति को गिरफ्तार किया गया। पीड़ितों को पैसे का लालच दिया गया और उनका यौन शोषण किया गया। पुलिस जांच जारी है, और आगे गिरफ्तारियां होने की उम्मीद है।