Raj Thackeray | राज ठाकरेंच्या विरोधात वाकड पोलिस ठाण्यात तक्रार; भावना भडकावल्याचा आरोप

पिंपरी- चिंचवड येथील वाकड पोलिस ठाण्यात याबाबत तक्रारी अर्ज दाखल...

पिंपरी : महाराष्ट्र नवनिर्माण सेनेचे अध्यक्ष राज ठाकरे यांची मुंबई येथे गुढीपाडव्यानिमित्त सभा झाली. या सभेमध्ये राज ठाकरे यांनी भावना भडकावल्याचा आरोप करीत एका मुस्लीम तरुणाने पोलिसात धाव घेतली आहे. पिंपरी- चिंचवड येथील वाकड पोलिस ठाण्यात याबाबत तक्रारी अर्ज दाखल केला आहे.

वाजीद रजाक सय्यद (रा. काळाखडक, वाकड) असे तक्रार केलेल्या तरुणाचे नाव आहे. अर्जात नमूद आहे, राज ठाकरे यांनी स्वतः ची राजकीय पोळी भाजण्यासाठी सभेचे आयोजन केले. भाषणात हिंदू-मुस्लिम समाजात भांडण होईल, असे शब्द वापरले आहेत.