पुणे : पुण्यातील नवले पुलाजवळ पुन्हा एकदा भीषण अपघात झाला आहे. पुलाजवळ उभ्या असलेल्या क्रेनला ट्रकची धडक बसून एकाचा जागीच मृत्यू झाल्याची घटना घडली आहे. तर एकाला गंभीर जखमी अवस्थेत बाहेर काढून रुग्णालयात दाखल करण्यात आले आहे.
मिळालेल्या माहितीनुसार, कात्रज चौकाकडून नवले पुलाकडे कडे जाणाऱ्या मालवाहतूक ट्रकचे ब्रेक फेल झाल्याने पुलाजवळ उभ्या असलेल्या क्रेनला मालवाहतूकची धडक बसली. या धडकेत ट्रकचे मोठे प्रमाणावर नुकसान झाले. या घटनेत एकाचा जागीच मृत्यू झाला होता. तर एक जखमी अवस्थेत अडकल्याची माहिती मिळाली होती. पुणे व पीएमआरडीए अग्निशमन दलाची चार वाहने दाखल झाल्यावर त्या व्यक्तीला बाहेर काढून रुग्णालयात दाखल करण्यात आले. त्या व्यक्तीवर ससून रुग्णालयात उपचार सुरु आहेत.