केडगाव : दौंड तालुक्यातील केडगाव–चौफुला रस्त्यावर रविवारी दुपारी ३ च्या सुमारास भीषण अपघात घडला. या अपघातात केडगाव येथील युवकाचा जागीच मृत्यू झाला असून त्याचा मित्र गंभीर जखमी झाला आहे. बोरमलनाथ ओढ्यात कार पलटी झाल्याने वाहनाचा अक्षरशः चक्काचूर झाला असून अपघाताची तीव्रता स्पष्ट दिसून येते. या अपघातात सार्थक बारवकर (रा. केडगाव) या युवकाचा जागीच मृत्यू झाला. तर सार्थक कडू हा युवक गंभीर जखमी झाला असून त्याच्यावर चौफुला येथील खासगी रुग्णालयात उपचार सुरू आहेत. अशी माहिती केडगाव पोलिस चौकीचे सहाय्यक पोलीस निरीक्षक किशोर वाघज यांनी दिली.
सार्थक बारवकर व सार्थक कडू हे दोघेही एकत्र शिक्षण घेत होते आणि जिवलग मित्र होते. केडगाव–चौफुला दरम्यान प्रवास करत असताना त्यांच्या कारचा ताबा सुटून वाहन थेट बोरमलनाथ ओढ्यात पलटी झाले. अपघाताची माहिती मिळताच केडगाव व परिसरातील नागरिकांनी चौफुला येथील रुग्णालय परिसरात मोठी गर्दी केली होती. या दुर्दैवी घटनेमुळे केडगाव परिसरात हळहळ व्यक्त होत असून तरुण मित्राच्या अकाली निधनाने सर्वत्र शोककळा पसरली आहे.
Web Summary : A tragic accident on the Kedgaon-Choufula road claimed a young man's life and seriously injured his friend. The car overturned in Bormalnath stream, leaving it wrecked. Sarthak Baravkar died, while Sarthak Kadu is hospitalized. The incident has cast a pall of gloom over Kedgaon.
Web Summary : केडगाँव-चौफुला मार्ग पर एक दुखद दुर्घटना में एक युवक की जान चली गई और उसका दोस्त गंभीर रूप से घायल हो गया। बोरमलनाथ नाले में कार पलटने से वह चकनाचूर हो गई। सार्थक बारवकर की मौत हो गई, जबकि सार्थक कडू अस्पताल में भर्ती हैं। इस घटना से केडगाँव में शोक की लहर है।