अप्पा बळवंत चौकातील नूमवि माध्यमिक शाळेच्या प्रांगणात जय गणेश व्यासपीठांतर्गत असलेल्या मंडळाच्या कार्यकर्त्यांनी एकत्र येत दिवे लावून समाजोपयोगी उपक्रम राबवणार असल्याचा निर्धार केला. जय गणेश व्यासपीठाचे महेश सूर्यवंशी, सुनील रासने, शिरीष मोहिते, पीयूष शाह यांची ही संकल्पना आहे. साईनाथ मंडळ ट्रस्ट, सेवा मित्र मंडळ ट्रस्ट, हिंदमाता तरुण मंडळ, विधायक मंडळ, काळभैरवनाथ तरुण मंडळ, जय जवान मंडळ, अष्टविनायक मित्र मंडळ, शिवराज मित्र मंडळ, राष्ट्रीय साततोटी मंडळ यांनी संयोजनात महत्त्वाची भूमिका बजावली.
येरवडा परिसरातील प्रतीकनगर येथील श्री सिद्धिविनायक मंदिर, कसबा पेठेतील कुंभारवाडा येथील वंदे मातरम् मंडळ, नाना पेठेतील साखळीपीर तालीम, आनंदनगर येथील रॉयल पुणेकर मित्रमंडळ, गुरुवार पेठेतील वीर शिवराज मंडळ, खडकी येरवडा येथील नवज्योत मित्रमंडळ, दत्तनगर शिवांजली मित्रमंडळ, लक्ष्मीनगर कोंढवा येथील श्री गणेश मित्र मंडळ, कसबा पेठेतील त्रिमूर्ती मित्रमंडळ, शुक्रवार पेठेतील अकरा मारुती कोपरा, कर्वेनगरमधील जयदीप मंडळ, जनता वसाहतीमधील वाघजाई मित्र फाउंडेशन, एरंडवणे येथील श्री शनी मारुती बालगणेश मंडळ, धनकवडीतील पंचरत्नेश्वर मित्रमंडळ, दारूवाला पूल मित्र मंडळ यांनी यात सहभाग घेतला.