भरधाव वाहनाच्या धडकेने नगर रस्त्यावर दुचाकीस्वाराचा मृत्यू ; वाहनचालकाविरुद्ध गुन्हा

वाहनचालकाविरुद्ध लोणीकंद पोलिस ठाण्यात गुन्हा दाखल करण्यात आला आहे...

पुणे : भरधाव वाहनाच्या धडकेने दुचाकीस्वाराचा मृत्यू झाला. ही घटना नगर रस्ता भागात घडली. याप्रकरणी वाहनचालकाविरुद्ध लोणीकंद पोलिस ठाण्यात गुन्हा दाखल करण्यात आला आहे.

ज्ञानेश्वर हरिभाऊ थोरत (रा. केसनंद-वाघोली रस्ता, ता. हवेली) असे मृत्युमुखी पडलेल्याचे नाव आहे. याबाबत थोरत यांचा मुलगा रोहन (वय २१) याने लोणीकंद पोलिस ठाण्यात फिर्याद दिली आहे. दुचाकीस्वार ज्ञानेश्वर थोरत केसनंद-थेऊर रस्त्याने निघाले होते. त्यावेळी भरधाव वाहनाने दुचाकीस्वार थोरत यांना धडक दिली. अपघातानंतर वाहनचालक पसार झाला. पसार झालेल्या वाहनचालकाविरुद्ध गुन्हा दाखल करण्यात आला असून, पोलिस हवालदार देवकर तपास करत आहेत.