सावधान! लग्नसमारंभातही चोरट्यांचा शिरकाव; वधू पक्षाकडील सहा लाखांचे दागिने लंपास

By ऑनलाइन लोकमत | Updated: November 29, 2025 18:53 IST2025-11-29T18:52:09+5:302025-11-29T18:53:56+5:30

पोलिसांनी मंगल कार्यालयाच्या परिसरातील सीसीटीव्ही फुटेज तपासले असून, चोरट्यांचा माग काढण्यात येत आहे

Beware Thieves enter wedding ceremony Jewellery worth six lakhs stolen from bridal party | सावधान! लग्नसमारंभातही चोरट्यांचा शिरकाव; वधू पक्षाकडील सहा लाखांचे दागिने लंपास

सावधान! लग्नसमारंभातही चोरट्यांचा शिरकाव; वधू पक्षाकडील सहा लाखांचे दागिने लंपास

पुणे: विवाह समारंभातून चोरट्यांनी रोकड, तसेच दागिने असा सहा लाख ३५ हजार रुपयांचा ऐवज लांबविल्याची घटना बाणेर भागातील एका मंगल कार्यालयात घडली. याबाबत एकाने चतु:शृंगी पोलिस ठाण्यात फिर्याद दिली आहे. त्यांनी दिलेल्या फिर्यादीनुसार, चोरट्यांविरुद्ध गुन्हा दाखल करण्यात आला आहे. 

पोलिसांनी दिलेल्या माहितीनुसार, तक्रारदाराच्या मुलीचा विवाह समारंभ २५ नोव्हेंबरला बाणेर परिसरातील एका मंगल कार्यालयात आयोजित करण्यात आला होता. त्यांनी एका टेबलवर गडबडीत पिशवी ठेवली. पिशवीत सोन्याचे दागिने, एक लाख ३० हजारांची रोकड आणि मोबाईल असा ऐवज होता. चोरट्यांनी त्यांचे लक्ष नसल्याची संधी साधून पिशवी चोरली. पिशवी चोरीला गेल्याचे लक्षात आल्यानंतर त्यांनी पोलिसांकडे तक्रार दिली. या घटनेची माहिती मिळताच पोलिसांनी घटनास्थळी भेट दिली. पोलिसांनी मंगल कार्यालयाच्या परिसरातील सीसीटीव्ही फुटेज तपासले असून, चोरट्यांचा माग काढण्यात येत आहे. सहायक पोलिस निरीक्षक अनिकेत पोटे पुढील तपास करीत आहेत.

सोन्याची बांगडी लांबवली...

पीएमपी प्रवासी ज्येष्ठ महिलेच्या हातातील ६० हजार रुपयांची सोन्याची बांगडी चोरट्यांनी लांबविल्याची घटना विश्रांतवाडी भागात घडली. याबाबत एका महिलेने विश्रांतवाडी पोलिस ठाण्यात फिर्याद दिली आहे. तक्रारदार ज्येष्ठ महिला विश्रांतवाडीतील धानोरी भागात राहायला आहेत. त्या विश्रांतवाडी भागातून धानोरीकडे निघाल्या होत्या. विश्रांतवाडीत बसमध्ये प्रवेश करताना चोरट्यांनी ज्येष्ठ महिलेच्या हातातील सोन्याची बांगडी कटरचा वापर करून लांबविली.

डेअरीतून रोकड लांबविली..

डेअरीचे कुलूप तोडून चोरट्यांनी गल्ल्यातील ९२ हजार रुपयांची रोकड लांबविल्याची घटना धायरी भागात घडली. याबाबत एका तरुणाने नांदेड सिटी पोलिस ठाण्यात फिर्याद दिली आहे. पोलिसांनी दिलेल्या माहितीनुसार, तक्रारदाराची धायरीतील उंबऱ्या गणपती चौकात डेअरी आहे. चोरट्यांनी २६ नोव्हेंबरला मध्यरात्री डेअरीचे कुलूप तोडले. गल्ल्यातील ठेवलेली रोकड लांबवून चोरटे पसार झाले. पोलिस कर्मचारी मोरे तपास करीत आहेत.

पादचारी तरुणाला धमकावून मोबाइल हिसकावला..

पादचारी तरुणाला धमकावून त्याच्याकडील मोबाईल हिसकावून नेल्याची घटना स्वारगेट भागात घडली. याबाबत एका तरुणाने स्वारगेट पोलिस ठाण्यात फिर्याद दिली आहे. तक्रारदार तरुण शुक्रवारी (दि. २८) सकाळी सहाच्या सुमारास शंकरशेठ रस्त्यावरून निघाला होता. त्यावेळी दुचाकीवरून आलेल्या चोरट्यांनी तरुणाला धमकाविले. त्याच्या खिशातील ५० हजार रुपयांचा मोबाईल दुचाकीस्वार चोरट्यांनी हिसकावून नेला.

Web Title : पुणे में चोरी की वारदातें: शादी, बस, दुकान, पैदल यात्री चोरों के निशाने पर।

Web Summary : पुणे में चोरी की घटनाओं में वृद्धि। शादी से छह लाख की चोरी। बस यात्री से सोने की चूड़ी छीनी। एक दुकान और पैदल यात्री भी लूटे गए। पुलिस जांच कर रही है।

Web Title : Thefts plague Pune: Wedding, bus, shop, pedestrian targeted by thieves.

Web Summary : Pune sees a rise in thefts. Six lakhs stolen from a wedding. A gold bangle snatched from a bus passenger. A shop and pedestrian also robbed. Police are investigating.

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.