Baramati Bypoll Election: ही निवडणूक बिनविरोध व्हावी अशी आमची इच्छा; इतर पक्षांनी तेच करावे, एकनाथ शिंदेंची विनंती

Baramati Bypoll Election कोणी असं गेलं तर आपली एक प्रथा आहे की, ती निवडणूक बिनविरोध व्हावी, ही प्रथा इतर पक्षांनीही पुढे घेऊन जावी

पुणे : बारामतीची पोटनिवडणूक आम्ही महायुती लढवत आहोत. या भागातील जनता सुनेत्रा ताई यांच्या पाठीशी आहे, ही निवडणूक बिनविरोध व्हावी अशी आमची इच्छा आहे. कोणी असं गेलं तर आपली एक प्रथा आहे की, ती निवडणूक बिनविरोध व्हावी. अशी प्रतिक्रिया दे उपमुख्यमंत्री एकनाथ शिंदे यांनी ही प्रथा पुढे नेण्याची विनंती इतर पक्षांना केली आहे. बारामतीत आज उपमुख्यमंत्री सुनेत्रा पवार पोटनिवडणुकीसाठी उमेदवारी अर्ज दाखल करणार आहेत. त्यासाठी सुरु असलेल्या राष्ट्रवादीच्या मेळाव्यात ते बोलत होते.

शिंदे म्हणाले, सुनेत्रा ताई यांचा उमेदवारी अर्ज आपण भरत आहोत. आमचे दिवंगत सहकारी दादा यांना श्रद्धांजली अर्पण करतो. माझी लाडकी बहीण योजनेची व्याप्ती मोठी होती. खर्च मोठा होता पण दादा यांनी घडी विस्कटू न देता योजना राबवण्यासाठी अजितदादा कंबर कसली. अतिशय वेळेवर चोखपणे, सडेतोडपणा त्यांच्यात होता. तेवढाच प्रेमळ स्वभाव आपण पाहिला. सुनेत्रा ताई यांनी देखील उपमुख्यमंत्री पदाची जबाबदारी स्वीकारली. सांत्वन करणे सोपं असतं दुःख पचवणे कठीण असतं. आपण परिवारातील असल्यामुळे एकत्र आलो आहोत. सकाळी लवकर उठून दादा काम करायचे, मी रात्री उशिरापर्यंत काम करतो. दादा राजकारणी नसते तर इंजिनियर झाले असते कारण बारीक काम ते बघत होते. दादा हे नाव तोंडी आज ही आहे त्यांच्या कामाची पोचपावती तुम्हाला मिळाल्याशिवाय राहणार नाही. ही निवडणूक बिनविरोध व्हावी अशी आमची इच्छा असल्याचे त्यांनी यावेळी सांगितले आहे.