पुणे : पुणे शहरात आज पुन्हा एक हृदयद्रावक घटना घडली आहे. स्पर्धा परीक्षेची तयारी करणाऱ्या एका तरुणाने स्वतःचे जीवन संपवले. शुक्रवारी सकाळी सुमारे ही घटना उघडकीस आली. सागर पवार (वय 26) असे मयत तरुणाचे नाव आहे. तो मूळचा बुलढाणा जिल्ह्यातील रहिवासी आहे. गेल्या काही काळापासून तो पुण्यात राहत MPSC परीक्षेची तयारी करत होता.
पोलिसांनी दिलेल्या माहितीनुसार, सागर विश्रामबाग पोलीस स्टेशनच्या हद्दीत पेईंग गेस्ट पद्धतीने राहत होता. आज पहाटेच्या सुमारास तो त्याच्या राहत्या खोलीत मृतावस्थेत आढळून आला. पोलिसांना याची माहिती मिळाल्यानंतर त्यांनी घटनास्थळी घाव घेतली. आणि शवविच्छेदनासाठी मृतदेह ससून रुग्णालयात पाठवला. प्राथमिक तपासात सागरने MPSC चा अभ्यास करत असताना वाढलेल्या दडपणामुळे आणि नैराश्यातून आत्महत्या केली असावी, असा पोलिसांकडून प्राथमिक अंदाज व्यक्त करण्यात आला आहे. तथापि, घटनास्थळावरून कोणतीही सुसाइड नोट सापडलेली नाही, त्यामुळे नेमके कारण अद्याप स्पष्ट झालेले नाही. या घटनेची नोंद विश्रामबाग पोलिस ठाण्यात करण्यात आली असून पोलिस अधिक तपास करत आहेत.
दरम्यान पुण्यात काल एका विवाहितेने टोकाचे पाऊल उचलत आत्महत्या केली होती. पुण्याच्या मध्यवर्ती भागात ही घटना घडली होती. ती होऊन २४ तास झाले नाहीत. तर आज पहाटे या विद्यार्थ्याने आत्महत्या केली आहे. तरुण - तरुणी आता कोणत्याही कारणावरून थेट आत्महत्येचा पर्याय निवडू लागले आहेत. त्यांनी जवळच्या व्यक्तींशी बोलणे गरजेचे असल्याचे तज्ज्ञांचे म्हणणे आहे.
Web Summary : In Pune, an MPSC aspirant, Sagar Pawar, died by suicide due to suspected exam pressure and depression. Police are investigating, finding no suicide note. This follows another recent suicide in the city, highlighting the growing trend of young people resorting to extreme measures.
Web Summary : पुणे में, MPSC की तैयारी कर रहे सागर पवार ने परीक्षा के दबाव और अवसाद के कारण आत्महत्या कर ली। पुलिस जांच कर रही है, कोई सुसाइड नोट नहीं मिला। शहर में हाल ही में एक और आत्महत्या हुई है, जो युवाओं द्वारा चरम कदम उठाने की बढ़ती प्रवृत्ति को उजागर करती है।