Pune Corona News: पुणे शहरात रविवारी २७८ जणांची कोरोनावर मात; तर २२९ नवे रुग्ण
By ऑनलाइन लोकमत | Published: September 5, 2021 08:04 PM2021-09-05T20:04:55+5:302021-09-05T20:05:02+5:30
शहरात आतापर्यंत ३१ लाख ८० हजार ४३ जणांची कोरोना तपासणी करण्यात आली असून, यापैकी ४ लाख ९६ हजार ७७२ जण कोरोनाबाधित आढळून आले आहेत
![278 people beat Corona in Pune on Sunday; While 229 new patients | Pune Corona News: पुणे शहरात रविवारी २७८ जणांची कोरोनावर मात; तर २२९ नवे रुग्ण 278 people beat Corona in Pune on Sunday; While 229 new patients | Pune Corona News: पुणे शहरात रविवारी २७८ जणांची कोरोनावर मात; तर २२९ नवे रुग्ण](https://d3pc1xvrcw35tl.cloudfront.net/images/840x630/corona-in-s_202109684173.jpg)
Pune Corona News: पुणे शहरात रविवारी २७८ जणांची कोरोनावर मात; तर २२९ नवे रुग्ण
पुणे : शहरात रविवारी २२९ कोरोनाबाधित आढळून आले असून, २७८ जण कोरोनामुक्त झाले आहेत. आज विविध तपासणी केंद्रांवर ७ हजार ९८७ संशयितांची तपासणी करण्यात आली असून, तपासणीच्या तुलनेत कोरोनाबाधितांची टक्केवारी २.८६ टक्के इतकी आढळून आली आहे.
शहरातील सक्रिय रूग्ण संख्या २ हजार २५८ इतकी आहे. आज दिवसभरात ८ जणांचा मृत्यू झाला आहे. यापैकी ४ जण हे पुण्याबाहेरील आहेत. शहरातील आजचा मृत्यूदर हा १.८० टक्के इतका आहे.
पुणे महापालिकेच्या आरोग्य विभागाने दिलेल्या माहितीनुसार, शहरातील गंभीर रूग्ण संख्या ही २०८ इतकी असून, ऑक्सिजनसह उपचार घेणाऱ्यांची संख्या २९० इतकी आहे. शहरात आतापर्यंत ३१ लाख ८० हजार ४३ जणांची कोरोना तपासणी करण्यात आली असून, यापैकी ४ लाख ९६ हजार ७७२ जण कोरोनाबाधित आढळून आले आहेत. तर यापैकी ४ लाख ८५ हजार ५६५ जण कोरोनामुक्त झाले आहे. शहरात आजपर्यंत ८ हजार ९४९ जणांचा मृत्यू झाला आहे.